ელენე გოგიაშვილი

დაბადების ადგილი: ქ. თბილისში.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფილოლოგიის ფაკულტეტი 1997 წელს და ასპირანტურა ფოლკლორისტიკის სპეციალობით 2001 წელს; 2002 წელს მიენიჭა ფილოლოგიის მეცნიერებათა კანდიდატის სამეცნიერო ხარისხი სადისერტაციო თემისთვის "ჯადოსნური ზღაპრის მითოსური და რელიგიური ასპექტები" (ხელმძღვანელი ზურაბ კიკნაძე).

1998-1999 წლებში იყო Günther-Findel-Stiftung სტიპენდიატი; 2000-2002 წლებში - მაინცის ევროპის ისტორიის   ინსტიტუტის სტიპენდიატი; 2004-2005, 2009, 2011 წლებში - DAAD სტიპენდიატი; 2005 და 2007 წლებში - ვოლფენბიუტელის ჰერცოგ აუგუსტის ბიბლიოთეკის სტიპენდიატი; 2008-2009 წლებში - ფრიც ტისენის ფონდის სტიპენდიატი ერფურტის უნივერსიტეტში და გოთას სამეცნიერო ბიბლიოთეკაში; 2006 წლიდან კითხულობს ლექციებს ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტზე; თსუ ქართული ლიტერატურის ისტორიის ს / ს ინსტიტუტის ფოლკლორისტიკის კათედრის ასოცირებული პროფესორი. ეთნოლოგების მანანა შილაკაძისა და ანზორ გოგიაშვილის შვილი.

• The International Society for Folk Narrative Research (ISFNR), წევრი (2015-)

• 2021 - იაკობ გოგებაშვილის სახელობის პრემია (ქართველოლოგიის დარგში წიგნისთვის)
  აღმოსავლეთი და დასავლეთი ქართულ ხალხურ ზღაპრებში : ზეპირი და ლიტერატურული ტრადიციები / ავტორთა კოლექტივი: ელენე გოგიაშვილი, დარეჯან გარდავაძე, ანდრო გოგოლაძე, ნინო ქავთარაძე, თეა თათეშვილი.- თბილისი,2019.-368გვ.

• ფოლკლორისტიკის თეორიები და მეთოდები : სახელმძღვანელო უმაღლესი სასწავლებლის სტუდენტთათვის (ავტორი). - თბილისი, თსუ გამომცემლობა, 2020. - 160გვ.. - ISBN: 978-9941-13-950-5
• აღმოსავლეთი და დასავლეთი ქართულ ხალხურ ზღაპრებში : ზეპირი და ლიტერატურული ტრადიციები (თანაავტორი). - თბილისი, 2019. - 368გვ.. - ISBN: 978-9941-8-0967-5
• მითოსური და რელიგიური სიმბოლიკის დინამიკა ზღაპრის სტრუქტურაში : მონოგრაფია (ავტორი). - თბილისი, უნივერსალი, 2011. - 250გვ.. - ISBN: 978-9941-17-363-9
• ამერიკის ხალხთა მითოლოგია : სახელმძღვანელო უმაღლესი სასწავლებლის სტუდენტთათვის (ავტორი). - თბილისი, უნივერსალი, 2010. - 250გვ.. - ISBN: 978-9941-12-835-6