მანანა მაისურაძე

დაამთავრა თბილისის სასოფლო–სამეურნეო ინსტიტუტი.

1993 წლიდან არის ანსამბლ "ფორტე"-ს წევრი; 1996–1999წწ. ანსამბლი "ფორტე" გამოდიოდა ა. გომიაშვილის კლუბში "ოქროს ოსტაპი" (მოსკოვი); 2000 წელს დაბრუნდნენ საქართველოში და სოლო კონცერტი ჩაატარეს ორკესტრთან ერთად; ამას მოყვა ცნობილი სიმღერა და ვიდეორგოლი "პოპური ქართული მულტფილმებიდან"; 2002 წელს გამოვიდა მომდევნო ჰიტი "თბილისის მზეს", შემდგომ დაიწყო არტ იმედის პროექტი 2005 წლამდე, ამ პერიოდში ჩაიწერა დუეტი დათო გომართელთან - "აგენტი 0013"; 2005 წელს ფესტივალზე "ქართული სული" დასამახსოვრებელი კონცერტით წარსდგა მსმენელის წინაშე; ხშირად მოგზაურობენ ტურნეს ფარგლებში საქართველოს ქალაქებსა და რეგიონებში; გამოვიდნენ ავსტრიის, ესპანეთის, შვეიცარიის, ყაზახეთის, რუსეთის და უკრაინის დიდ სცენებზე; მიღებული აქვთ საპატიო სიგელი -  "ეამაყება თბილისს" - საქართველოსა და მისი დედაქალაქის პოპულარიზაციის მიმართულებით გაწეული სამსახურისთვის, საინტერესო პროექტებისა და იდეებისთვის; 2001 წელს ფესტივალზე "წლის სიმღერა", გადაეცათ პრიზი სიმღერისთვის "პოპური"; 2002 წელს ფესტივალზე "წლის სიმღერა" - გადაეცათ პრიზი სიმღერისთვის "თბილისის მზეს"; 2003 წელს ფესტივალზე "აზიის ხმა" (უზბეკეთი) დაჯილდოვდნენ პრიზით - "ხალხის სიმპათია"; ანსამბლი ფორტე არის "ოქროს დისკის" მფლობელი ჯგუფი.

წყარო: მაისურაძეთა გვარის მატიანე / ბადრი მაისურაძე. - თბილისი, 2023.- გვ.261; რადიო ჰოლდინგი "ფორტუნა": fortuna.ge; ვინ ვინ არის საქართველოში, 2009 = Who is who in Georgia, 2009 : ბიოგრაფიული ცნობარი / სარედ. ჯგუფი: ხათუნა თოდუა, მანანა მიქაბერიძე, ხათუნა მიქაბერიძე [და სხვ.].-თბ.,2009.-გვ.263

• ღირსების ორდენი