რამაზ ხაჭაპურიძე

    
დაბადების ადგილი: ქ. ქუთაისი.

დაამთავრა ქ. ქუთაისის N4 პროფესიულ-ტექნიკური სასწავლებელი 1982 წელს; ქ. ქუთაისის აკაკი წერეთლის სახელობის სახელმწიფო უნივერსიტეტის ისტორია-ფილოლოგიის ფაკულტეტი ქართული ენა-ლიტერატურა და ისტორიის სპეციალობით 1991 წელს.

1985 წლამდე მუშაობდა ქ. ქუთაისის საავტომობილო ქარხანაში; 1991-1993წწ. ტყიბულის რაიონის სოფელ ციხია-ბობოთის საშუალო სკოლაში ქართული ენა-ლიტერატურისა და ისტორიის მასწავლებლად; 1993 წელს კონკურსის წესით მუშაობა დაიწყო აკაკი წერეთლის სახელობის სახელმწიფო უნივერსიტეტის ქართველური დიალექტოლოგიის სამეცნიერო-კვლევით ინსტიტუტში მეცნიერ-თანამშრომლად; 2005-2006წწ. იყო ივ. ჯავახიშვილის სახელობის ისტორიისა და ეთნოლოგიის ინსტიტუტის ასპირანტი; 2006 წლიდან არის აკაკი წერეთლის სახელმწიფო უნივერსიტეტის არქეოლოგიისა და კულტურის ისტორიის კათედრის მასწავლებელი; 2007-2008წწ. სასწავლო წლიდან 2013-2014წწ. მუშაობდა აკაკი წერეთლის სახელმწიფო უნივერსიტეტის საქართველოს ისტორიისა და არქეოლოგიის დეპარტამენტის, არქეოლოგიის მიმართულებაზე, როგორც მოწვეული მასწავლებელი (საგანი ანთროპოლოგია); 2014-2019წწ. მუშაობდა აკაკი წერეთლის სახელმწიფო უნივერსიტეტის საქართველოს ისტორიისა და არქეოლოგიის დეპარტამენტის, არქეოლოგიის მიმართულებაზე, ასისტენტ – პროფესორის აკადემიურ თანამდებობაზე (საგანი ანთროპოლოგია); 2019 წლის 20 სექტემბრიდან არის აკაკი წერეთლის სახელმწიფო უნივერსიტეტის საქართველოს ისტორიისა და არქეოლოგიის დეპარტამენტის, არქეოლოგიის მიმართულებაზე, ასოცირებული – პროფესორის აკადემიურ თანამდებობაზე (საგანი ანთროპოლოგია). არის 101 სამეცნიერო ნაშრომისა და ორი სახელმძღვანელოს ავტორი. 

საკანდიდატო დისერტაციის თემა - "მაგიურ-რელიგიური მკურნალობის ისტორიიდან (იმერეთის ეთნოგრაფიული მასალების მიხედვით)", დაიცვა 2006 წელს.

• ეთნოისტორიული კვლევები = Ethno-historical research (Co-Author). - ქუთაისი, აკაკი წერეთლის სახელმწ. უნ-ტი, 2010. - 206გვ.. - ISBN: 9789941408946
• მაგიურ-რელიგიური მკურნალობის ისტორიიდან. - 2006