გელა საითიძე

დაბადების ადგილი: ზედა სიმონეთი, თერჯოლის რაიონი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1963 წელს.

1956-1958წწ. მუშაობდა თერჯოლის, ქუთაისის და ტყიბულის რეგიონებში, როგორც კორესპონდენტი, აქტიურად თანამშრომლობდა პრესასთან; მუშაობდა "ცეკავშირის" თბილისის კოოპერაციულ ტექნიკუმში; უნივერსიტეტში სწავლის პერიოდში აქტიურად მონაწილეობდა სტუდენტთა სამეცნიერო წრეში; საუნივერსიტეტო სამეცნიერო კონფერენციებზე წაკითხული აქვს ხუთი სამეცნიერო ნაშრომი; სტუდენტობის დროს იგი აქტიურად მონაწილეობდა საზოგადოებრივ და სპორტულ ცხოვრებაში; 1966 წლიდან სამუშაოდ გადაჰყავთ მარქსიზმ-ლენინიზმის ინსტიტუტის საქართველოს ფილიალის უფროს მეცნიერ თანამშრომელ–რედაქტორის თანამდებობაზე, თარგმანის სექტორში; 1972 წელს იცავს საკანდიდატო დისერტაციას პრესის ისტორიაში. ნაშრომი მოგვიანებით ცალკე წიგნად ქვეყნდება სათაურით  "საქართველოს პრესის ფლაგმანები"; 2005 წლის მარტში დაიცვა სადოქტორო დისერტაცია. 1981 წელს იგი დაინიშნა მარქსიზმ–ლენინიზმის ინსტიტუტის ფილიალის მეცნიერ თანამშრომლად, გამოქვეყნებული აქვს 50-ზე მეტი სამეცნიერო ნაშრომი წიგნად, ბროშურად, საჟურნალო სტატიად; არის ერთ–ერთი დამაარსებელი და მთავარი რედაქტორის მოადგილე ჟურნალ "საისტორიო ვერტიკალების"; ლექციებს კითხულობს თსუ და სხვა უმაღლეს სასწავლებელში XIX-XX საუკუნის ქართული ჟურნალისტიკის ისტორიასა და საქართველოს პოლიტიკური პარტიების ისტორიაში. 2006 წლიდან არის ივანე ჯავახიშვილის სახელობის ისტორიისა და ეთნოლოგიის ინსტიტუტის ახალი და უახლესი ისტორიის განყოფილების მთავარი მეცნიერ - თანამშრომელი. დაჯილდოვებულია რამდენიმე მედლითა და საქართველოს სსრ უმაღლესი საბჭოს საპატიო სიგელით.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.155; პროფესორი გელა საითიძე - 80 წლის იუბილე / დოდო ჭუმბურიძე, ხათუნა ქოქრაშვილი // ახალი და უახლესი ისტორიის საკითხები.-თბილისი, 2018.- N1-2 (22).-345-351

• ათი წელი რუსეთის სახელმწიფო სათათბიროს ფრაქციის სათავეში (ავტორი). - თბილისი, უნ-ტის გამ-ბა, 2001. - 84გვ.. - ISBN: 99928-33-79-3
• რუსეთის III სახელმწიფო სათათბიროს არჩევნები და ქართული პოლიტიკური აზრის ფორმირება (ავტორი). - თბილისი, მეცნიერება, 1999. - 34გვ.
• "საქართველო"-ეროვნული მიმართულების ჟურნალი (ავტორი). - თბილისი, საქ. მეცნ. აკად., 1998. - 60გვ.
• სწამდა სამშობლოს აღორძინება (ავტორი). - თბილისი, "საარი"-ს სტ., 1997. - 112გვ.
• საქართველოს პრესის ფლაგმანები : გაზეთები "კომუნისტი" და "ზარია ვოსტოკა" ომისშემდგომ ხუთწლედში (ავტორი). - თბილისი, საქ. კპ ცკ-ის გამ-ბა, 1975. - 213გვ.