ნანა ტალახაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1978 წელს.

1978 წლის სექტემბრიდან მუშაობდა საქართველოს ტელევიზიისა და რადიომაუწყებლობის სახელმწიფო კომიტეტში, რადიოს ლიტერატურულ გადაცემათა რედაქციაში რედაქტორად; 1980-1984წწ. მუშაობის პარალელურად სწავლობდა ქ. თბილისის ი. ჭავჭავაძის სახელობის უცხო ენათა პედაგოგიურ ინსტიტუტში, ფრანგული ენისა და ლიტერატურის ფაკულტეტზე, საღამოს განყოფილებაზე; 1985 წელს ჩაირიცხა მიზნობრივ დასწრებულ ასპირანტურაში თსუ ჟურნალისტიკის ფაკულტეტის ტელე - რადიოჟურნალისტიკის კათედრაზე; 1998 წელს დაიცვა საკანდიდატო დისერტაცია და მიენიჭა ფილოლოგიის მეცნიერებათა კანდიდატის ხარისხი; 1990 წლიდან მუშაობს თსუ ტელე-კინოლაბორატორიაში რედაქტორად, 1991 წლიდან კითხულობს ლექციებს თსუ ხელოვნების ფაკულტეტზე ტელერეჟისურის სპეციალობით; 1993 წლიდან მუშაობას იწყებს თსუ ახალციხის ფილიალში ჟურნალისტიკის განყოფილებაზე პედაგოგად; 1997 წლიდან ფილიალის ჟურნალისტიკის განყოფილების გამგეა; 1996 წელს მიენიჭა დოცენტის წოდება. გამოქვეყნებული აქვს რამდენიმე სამეცნიერო ნაშრომი.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.161

• ფონეტიკა და ელემენტარული ლექსიკა (ავტორი). - თბილისი, ლეთა, 2012. - 104გვ.