შურა მაისურაძე

დაბადების ადგილი: სოფელი სხანარი, ონის რაიონი.

ჩააბარა ფიზკულტურის ინსტიტუტში 1948 წელს.

სერიოზული ვარჯიში II კურსის სტუდენტობის დროს დაიწყო. 1949 წელს უკვე საქართველოს პირველობაზე II ადგილის მფლობელი გახდა. შემდეგ ჩაირიცხა კლასიკურ ჭიდაობაში საქართველოს შეჯიბრებაში 52 კგ. წონით კატეგორიაში. 5 შეხვედრიდან 4 მოიგო და გუნდმა მეოთხე ადგილი დაიკავა. 1949 წელს სსრკ ჩემპიონატში მონაწილეობისას მოჰყვა უამრავი გამარჯვება. შემდეგ გაუშვეს ქ. ბაქოში თავისუფალ ჭიდაობაში სსრკ ჩემპიონატზე სადაც მე-V ადგილზე გავიდა. 1950 წელსაც ნაცვლად კლასიკური ჭიდაობის სსრკ პირველობაზე გაუშვეს თავისუფალ ჭიდაობაში სადაც ყოველგვარი გამოცდილების გარეშე III საპრიზო ადგილი აიღო. ასე გახდა იგი სსრკ ნაკრების წევრი თავისუფალ ჭიდაობაში. ქართულ ჭიდაობაში მონაწილეობა მიიღო თბილისის პირველობაზე, სადაც II საპრიზო ადგილის მფლობელი გახდა. საქართველოს ჩემპიონატში I ადგილი მოიპოვა. 1952 წლიდან მწვრთნელად მუშაობდა. მისი სახელი მიაკუთვეს ონის სპორტდარბაზს, სადაც ყოველწლიურად იმართება მისი სახელობის ტურნირები.

წყარო: მაისურაძეთა გვარის მატიანე / ბადრი მაისურაძე. - თბილისი, 2023.- გვ.286-287