ნინო ჩინჩალაძე

დაბადების ადგილი: ქ. რუსთავი.

დაამთავრა თბილისის სახელმწიფო უნივერსიტეტის სამართალმცოდნეობის ფაკულტეტის ბაკალავრიატი 2008 წელს და მიენიჭა იურისტის კვალიფიკაცია; თბილისის სახელმწიფო უნივერსიტეტის სამართალმცოდნეობის ფაკულტეტის მაგისტრატურა 2010 წელს; 2008 წელს გაიარა ტრენინგები - ადგილობრივი დემოკრატია, საერთაშორისო გამოცდილება; street law. 2009 წელს ჩააბარა ადვოკატთა საკვალიფიკაციო გამოცდა საერთო სპეციალიზაციით; 2010 წელს ჩააბარა პროკურატურის მუშაკთა საკვალიფიკაციო გამოცდა; 2010 წელს გაიარა ტრენინგი - სასამართლო ადმინისტრირებისა და მენეჯმენტის რეფორმის პროექტი "სასამართლო მომხმარებელთა კმაყოფილების კვლევა"; 2011-2019წწ. იუსტიციის უმაღლეს სკოლაში გაიარა შემდეგი ტრენინგები - დისკრიმინაციის მიმართულების სტატისტიკის ანალიზის ფორმების შევსების შესახებ; სამართლებრივი მართლწერა; სიძულვილის მოტივით ჩადენილი დანაშაული; ქალთა მიმართ ძალადობა და ოჯახში ძალადობა; მტკიცებულებათა ცნება (შეფასება, დაშვება, გამოკვლევა, გამოქვეყნება და დემონსტრირება); სისხლის სამართლის საქმეზე განაჩენის ფორმა, მისი დასაბუთება და ტექსტის სტილისტიკური გამართულობა; განაჩენის დასაბუთება, აღკვეთის ღონისძიების გამოყენება და დასაბუთება, ნასამართლეობის მოხსნა; სასამართლო განაჩენთა დასაბუთება; ეფექტური კომუნიკაცია და მისი როლი მომსახურებაში; 2022 წელს ჩააბარა მოსამართლის საკვალიფიკაციო გამოცდა სისხლის სამართლის სპეციალიზაციით; 2023-2024წწ. იყო იუსტიციის უმაღლესი სკოლის მსმენელი.

2008-2009წწ. - თბილისის სააპელაციო სასამართლოს პრაქტიკანტი; 2009-2010წწ. - ლევან სამხარაულის სახელობის ექსპერტიზის ბიუროს პრაქტიკანტი; 2010-2011წწ. - საქართველოს უზენაესი სასამართლოს სტაჟიორი; 2011-2015წწ. - თბილისის საქალაქო სასამართლოს სისხლის სამართლის კოლეგიის სხდომის მდივანი; 2015-2023წწ. - თბილისის საქალაქო სასამართლოს სისხლის საქმეთა კოლეგიის მოსამართლის თანაშემწე; 2024 წლის 1 ოქტომბრიდან განწესებულია თბილისის საქალაქო სასამართლოს ადმინისტრაციულ საქმეთა კოლეგიის მოსამართლის თანამდებობაზე 3 წლის ვადით.

წყარო: საქართველოს იუსტიციის უმაღლესი საბჭო: hcoj.gov.ge; თბილისის საქალაქო სასამართლო: tcc.court.ge