მამუკა კაჭკაჭიშვილი

დაბადების ადგილი: ქ. რუსთავი.

დაამთავრა თბილისის კომაროვის სახელობის ფიზიკა-მათემატიკის გაძლიერებულ სკოლა. აქტიურად მონაწილეობდა კონკურსებში. მიღებული ჰქონდა მრავალი დიპლომი და ფასიანი საჩუქარი, შემდეგ ჩაირიცხა თბილისის სახელმწიფო უნივერსიტეტის  ფიზიკის ფაკულტეტზე. უნივერსიტეტში სწავლის დროს, 1984 წელს II კურსიდან გაიწვიეს სავალდებულო სამხედრო სამსახურში. უნივერსიტეტის დამთავრების შემდეგ იყო ანდრია რაზმაძის სახელობის მათემატიკის ინსტიტუტის თეორიული ფიზიკის განყოფილების ასპირანტი, დაწყებული ჰქონდა მუშაობა სადისერტაციო თემაზე. 1993 წლის იანვრიდან მონაწილეობდა აფხაზეთში მომდინარე საომარი კონფლიქტში, იყო არტილერისტი. დაიღუპა 1993 წლის 1 ივნისს სოფელ კინდღში. საქართველოს ტერიტორიული მთლიანობისათვის მებრძოლი აფხაზეთში.

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები. ნაწილი 1-თბ.,1996.-გვ.228-229

• ვახტანგ გორგასლის III ხარისხის ორდენი (გარდაცვალების შემდეგ)