დავით გაბედავა

დაბადების ადგილი: სოფელი ზემო ჭალადიდი, სენაკის რაიონი.

დამთავრა ფოთის პოლიტექნიკური და ცხაკაიას სასოფლო-სამეურნეო ტექნიკუმი; კვების მრეწველობის საკავშირო  ინსტიტუტი.

შრომითი საქმიანობა ცენაკის რაიონში განაგრძო; 1941 წელს მეორე მსოფლიო ომის დაწყებისთანავე გაიწვიეს საბჭოთა არმიის რიგებში; იბრძოდა მოსკოვის დაცვის ოპერაციებსა და დასავლეთ ფრონტზე, მზვერავთა ჯერ ოცეულს, მერე ასეულს მეთაურობდა; მძიმე ჭრილობის მიღების შემდეგ 1943 წელს სამშობლოში დაბრუნდა და ცხაკაიას პარტიის რაიკომის ინსტრუქტორად დაიწყო მუშაობა; 1946 წელს ზემო-ჭალადიდის სასოფლო საბჭოს თავმჯდომარედ აირჩიეს; ამ თანამდებობაზე 10 წელი იმუშავა; ერთხანს სპორტსაზოგადოება "კოლმეურნეს" რაიონულ საბჭოს ხელმძღვანელობდა. ცხაკაიას საყოფაცხოვრებო მომსახურების კომბინატის დირექტორად, შემდეგ – მომხმარებელთა საზოგადოების გამგეობის თავმჯდომარედ დანიშნეს; 1976 წლიდან მეოთხედი საუკუნის განმავლობაში "საგზაო რესტორნების" გაერთიანების დირექტორია; სიახლის დანერგვის უნარით დაჯილდოებული, აქტიურად მონაწილეობდა საზოგადოებრივ საქმიანობაში; ომში მამაცობისთვის დაჯილდოებული იყო რამდენიმე საბრძოლო და საიუბილეო მედლით.  

წყარო:  სენაკის საპატიო მოქალაქეები / ანზორ ცაგურია, ვაჟა დანელია/. - სენაკი, 2020. - 62გვ.

• ომის, შრომისა და ვეტერანთა რაიონული საბჭო, წევრი

• 2000 - სენაკის საპატიო მოქალაქე
• 1981 - საპატიო ნიშნის ორდენი
• მედალი "მხედრული მამაცობისთვის"
• სამამულო ომის I ხარისხის ორდენი
  ომში გამოჩენილი მხედრული მამაცობისათვის