გია ჭელიძე

დაბადების ადგილი: ქ. დუშეთი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი.

1958 წლიდან  საქართველოს ფილარმონიის ვოკალისტია, 50-იანი წლების ქართული ესტრადის პირველი თაობის წარმომადგენელი; ვოკალურ-ინსტრუმენტული დუეტის სოლისტი არაერთი საერთაშორისო ფესტივალისა და კონკურსის ლაურეატია. მისი შესრულებით ბევრი მელოდია ქართულ საესტრადო "კლასიკად" შემორჩა საქართველოს რადიოს "ოქროს ფონდს"; 1962 წლიდან მუშაობას იწყებს საქართველოს სახელმწიფო ტელევიზიის ახალგაზრდულ გადაცემათა რედაქციის რედაქტორად; 1963 წლიდან ინიშნება ტელევიზიის "ახალი ამბების" რედაქციის რედაქტორად; საქართველოს ტელევიზიის ფორმირების პირველივე წლებიდან მისი საინტერესო რეპორტაჟები, საკავშირო თუ "ინტერვიზიის" ცნობილი სატელევიზიო პროგრამები, სხვადასხვა საკავშირო კონკურსებში აქტიური მონაწილეობა მრავალი პრემიითა და ჯილდოთი აღინიშნა; 1993-1996წწ. მოღვაწეობს აჭარაში და ხელმძღვანელობს გაზეთ "საქართველოს რესპუბლიკის" აჭარის ბიუროს; იგი ინიშნება გაზეთ "საქართველოს რესპუბლიკის" სახელმწიფო პროგრამების საინფორმაციო უზრუნველყოფის სამსახურის ხელმძღვანელად; 2001 წელს აირჩიეს საქართველოს ჟურნალისტთა ფედერაციის მიერ დაარსებულ პრეს-კლუბ "პროფესიონალის" პრეზიდენტად; ხელმძღვანელობდა საქართველოს რკინიგზის საზოგადოებასთან ურთიერთობას; საინფორმაციო-საგამომცემლო და სარეკლამო უზრუნველყოფის სამსახურს; იყო საქართველოს ტრანსპორტისა და კომუნიკაციების სამინისტროს (შტატგარეშე) მთავარი სახელმწიფო მრჩეველი.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.180

• საკავშირო ჟურნალისტთა კავშირი, წევრი (1973-)

• 2000 - ღირსების ორდენი
• სერგეი მესხის სახელობის პრემია
  ხანგრძლივი, ნაყოფიერი შემოქმედებითი მოღვაწეობისა და სახელმწიფო პროგრამების რეალიზაციის ხელშეწყობისათვის