ვიქტორ ქურიძე

დაბადების ადგილი: სოფელი ზომლეთი, ჩოხატაურის რაიონი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი 1929 წელს.

უნივერსიტეტის დამთავრებისთანავე შეუდგა პედაგოგიურ მოღვაწეობას. მუშაობდა მათემატიკის მასწავლებლად თეთრი წყაროს რაიონის სოფ. დიდი ენაგეთის საშუალო სკოლაში; გორის რაიონის სოფელ მეჯვრისხევის საშუალო სკოლაში; გორის სასოფლო-სამეურნეო ტექნიკუმში; გორის ე. წ. რკინიგზის და რუსულ სკოლებში; 1944-1951წწ. იყო ქ. გორის იაკობ გოგებაშვილის სახელობის პედაგოგიური ინსტიტუტის დირექტორი; გორის განათლების განყოფილების გამგე; 1954-1966წწ. მათემატიკას ასწავლიდა პედაგოგიურ სასწავლებელში და გორის N9 საშუალო სკოლაში; იყო სკკპ-ს წევრი. 1951-1954წწ. - მშრომელთა დეპუტატების საქალაქო საბჭოს, ასევე პარტიის საქალაქო კომიტეტის წევრი. მიღებული აქვს სახელმწიფო ჯილდოები: მედალი უმწიკვლო პედაგოგიური მოღვაწეობისათვის, საქართველოს სსრ უმაღლესი საბჭოს "საპატიო სიგელი" (ახალგაზრდობის აღზრდის საქმეში განსაკუთრებული წვლილისათვის) და სხვა.

წყარო: ხსოვნის წიგნი. ნაწილი 12/ვახტანგ ჭანკოტაძე. -თბ., 2021. -გვ.–36-37

• 1962 - საქართველოს დამსახურებული მასწავლებელი
• მედალი "შრომითი მამაცობისთვის"
• საპატიო ნიშნის ორდენი