რამინ რამიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი საქართველოს ისტორიის სპეციალობით 1952 წელს; ივ. ჯავახიშვილის სახელობის ისტორიის ინსტიტუტის არქეოლოგიის განყოფილების ასპირანტურა 1955 წელს.

1957 წლიდან მუშაობდა ივ. ჯავახიშვილის სახელობის ისტორიის ინსტიტუტის არქეოლოგიის განყოფილებაში: 1957-1962წწ. უმცროსი-მეცნიერ თანამშრომლი; 1962-1984წწ. უფროსი მეცნიერ-თანამშრომელი; 1978-1984წწ. ადრე შუასაუკუნეთა ხანის არქეოლოგიის პრობლემური ლაბორატორიის ხელმძღვანელი; 1984-2003წწ. არქეოლოგიური კვლევის ცენტრის შუასაუკუნეთა ხანის განყოფილების გამგე. 1971 წელს ხელმძღვანელობდა ივ. ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტში ახლადშექმნილ ჟინვალის არქეოლოგიურ ექსპედიციას. 2003-2012წწ. საქართველოს მეცნიერებათა აკადემიის არქელოგიური კვლევის ცენტრის შუასაუკუნეთა ხანის არქეოლოგიიის  განყოფილების გამგე. რამინ რამიშვილის დიდი ღვაწლი მიუძღვის დუშეთში, ჭილაშვილების სასახლის აღდგენა-რესტავრაციაში, სადაც შემდგომში ჩამოყალიბდა ჟინვალის არქეოლოგიური ექსპედიციის ბაზა და განთავსდა ექსპედიციის მიერ მოპოვებული დიდძალი მასალა: გათხრების დოკუმენტაცია, არქივი, ბიბლიოთეკა. ბაზაზე მოეწყო ფოტოლაბორატორია, სარესტავრაციო სახელოსნო, საკონფერენციო დარბაზი, ეთნოგრაფიული კოლექციების საცავი, სამუშაო ოთახები ექსპედიციის წევრთათვის თუ მასალების გასაცნობად ჩამოსული კოლეგებისათვის; 1968-1980წწ. კითხულობდა ლექციებს საქართველოს პოლიტექნიკურ ინსტიტუტში და სამხატვრო აკადემიაში. გამოქვეყნებული აქვს 150 -ზე მეტი სამეცნიერო ნაშრომი, ხელმძღვანელობას უწევდა ახალოგაზრდა მეცნიერ-თანამშრომლებს. დაჯილდოებული იყო სახელმწიფო მედლებით. მაქსიმე რამიშვილის შვილი, ისტორიკოს მარინე ცინცაძის მეუღლე.

საკანდიდატო დისერტაციის თემა - "ქართლის სამეფო ძვ. წ. I ათასწლეულის პირველ ნახევარში", დაიცვა 1960 წელს; სადოქტორო დისერტაციის თემა - "ქართლის სამეფო ახ. წ. I ათასწლეულის პირველ ნახევარში", დაიცვა 1984 წელს.

წყარო: რამიშვილების საგვარეულო/გივი რამიშვილი.- თბ.- 2000. გვ. 254; caucasology.com

• ივანე ჯავახიშვილის სახელობის მედალი

• ქალაქი ჟინვალი : აკადემიური წიგნი (თანაავტორი). - თბილისი, აკადემიური წიგნი, 2023. - 113გვ.. - ISBN: 9789941976155
• წინაქრისტიანული ხანის ჟინვალის სამაროვანი : კატალოგი და გამოკვლევა (ავტორი). - თბილისი, მწიგნობარი, 2015. - 355გვ.. - ISBN: 9789941450945
• კვეტერის ციხის არქეოლოგიური მასალა (თანაავტორი). - თბილისი, 2010. - 284გვ. . - ISBN: 9789941027338
• ადრეული ქრისტიანობა და საქართველო:ადრექრისტ. არქეოლოგიის მეორე კონფერენცია, მიძღვნილი აკად. ივ. ჯავახიშვილის დაბადების 120 წლისთავისადმი : მოხსენებათა მოკლე შინაარსები (თანაავტორი). - თბილისი, 1996. - 27გვ.
• ქრისტიანული ცივილიზაცია და საქართველო = Christian civilization and Georgia:კონფერენცია, მიძღვნილი ადრექრისტიანული არქეოლოგიის პირველი მსოფლიო კონგრესის 100 წლისთავისადმი : მოხსენებათა მოკლე შინაარსები (თანაავტორი). - თბილისი, 1994. - 71გვ.
• არქეოლოგიური კვლევა-ძიება ალგეთისა და ივრის ხეობაში (რედაქტორი). - თბილისი, მეცნიერება, 1989. - 328გვ.
• არქეოლოგიური კვლევა-ძიება ალგეთისა და ივრის ხეობაში (რედაქტორი). - თბილისი, მეცნიერება, 1989. - 328გვ.
• ივრის ხეობის არქეოლოგიური ძეგლები (ავტორი) // წ.3 ერწოს ველი გვიანარმაზულ ხანაში. - თბილისი, მეცნიერება, 1979. - 114გვ.
• ივრის ხეობის არქეოლოგიური ძეგლები (ავტორი) // ნაწ.1 სიონი. - თბილისი, მეცნიერება, 1970. - 156გვ.
• არქეოლოგიური გათხრები ბიჭვინთაში : III უბნის 1958 წლის წინასწარი ანგარიში (ავტორი). - თბილისი, 1965. - 107გვ.