ალბერტ რატიშვილი

დაბადების ადგილი: ქ. გორი

დაამთავრა გორის ნიკოლოზ ბარათაშვილის სახელობის პედაგოგიური ინსტიტუტი.

ინსტიტუტის დამთავრების შემდეგ მუშაობა დაიწყო მათემატიკის მასწავლებლად გორის რაიონის სოფელ ქვახვრელის საშუალო სკოლაში. შემდეგ სხვადასხვა დროს მუშაობდა: გორის სახელმწიფო პედაგოგიური ინსტიტუტის მათემატიკის კათედრაზე; გორის საწარმოო პროცესების ავტომატიზაციის კვლევით-სამეცნიერო ინსტიტუტში (ჩაის მრეწველობის ავტომატიზაციის განყოფილება; მათემატიკური ანალიზისა და რეკომენდაციების ლაბორატორია; მათემატიკური მოდელირების სექტორი და სხვა) სხვადასხვა თანამდებობაზე; გორის N3 საჯარო სკოლის მათემატიკის მასწავლებლად და ა.შ.; "ნიიავტომატმრეწვმში" მუშაობის პერიოდში მან, არაერთხელ დაიმსახურა დირექციის მადლობა, წარმატებული შრომისთვის სიგელები და პრემიები. ხანგრძლივ სამსახურებრივ მივლინებებში იყო შეუცვლელი თავისი საოცარი პუნქტუალურობისა და ცხოვრების დიდი პრაქტიკული გამოცდილების გამო. სიცოცხლის ბოლომდე ახალგაზრდობას გადასცემდა თავის თეორიულ თუ პრაქტიკულ ცოდნასა და გამოცდილებას.

წყარო: ხსოვნის წიგნი. ნაწილი 7 / ვახტანგ ჭანკოტაძე .-თბ.,2020 -გვ.46-49