გივი ლალებაშვილი

დაბადების ადგილი: ქ. გორი.

დაამთავრა გორის ნიკოლოზ ბარათაშვილის სახელობის პედაგოგიური ინსტიტუტი და საქართველოს პოლიტექნიკური ინსტიტუტის გორის ფილიალის სამშენებლო ფაკულტეტი.

ბავშვობიდანვე იტაცებდა სპორტი, განსაკუთრებით იზიდავდა ტანვარჯიში. უმაღლესი განათლების მიღების შემდეგ მუშაობა დაიწყო გორის რაიონის სოფელ ტყვიავში ფიზკულტურის მასწავლებლად. შემდგომში იგი სამუშაოდ მიიწვიეს ქარხანა "გორიხელსაწყოში", სადაც მოგვიანებით აირჩიეს პირველადი პარტიული ორგანიზაციის მდივნად. სხვადასხვა დროს მუშაობდა სახალხო დეპუტატთა გორის საქალაქო საბჭოს აღმასკომის კომუნალური განყოფილების მთავარ ინჟინრად, გორის ფიზკულტურისა და სპორტის კომიტეტის თავმჯდომარედ, N9 სამშენებლო ტრესტის პროფკავშირის კომიტეტის თავმჯდომარედ, უსინათლოთა სასწავლო-საწარმოო წარმოების მთავარ ინჟინრად და შემდეგ დირექტორად, გორის სახლთმშენებლობის კომბინატის მთავარ არქიტექტორად და ა.შ.

წყარო: და ვანთებ სანთელს. [ნაწ. 1], (მდუმარე კოჰორტა): წიგნი ეძღვნება იმ ადამიანების ხსოვნას, რომლებმაც ნათელი კვალი დაამჩნიეს ავტორის ცხოვრებას/ვახტანგ ჭანკოტაძე. -თბ., 2007. -გვ.89-90