სოსო წკრიალაშვილი

დაბადების ადგილი: სოფელი შავშვები, გორის რაიონი.

დაამთავრა ქ. წულუკიძის სოფლის მეურნეობის მექანიზაციისა და ელექტროფიკაციის ტექნიკუმი. 

ოცი წლის ასაკში მუშაობა დაიწყო გორის მელიორაციისა და წყალთა მეურნეობის სამმართველოში ტექნიკოს-ნორმადარად. შემდეგ, თავისი სპეციალობით მუშაობდა "მტკვარწყალმშენის" მექანიზაციის სამმართველოში. გასული საუკუნის 90-იან წლებში დაიწყო სისხლისმღვრელი ბრძოლები საქართველოს ტერიტორიული მთლიანობისათვის. მან, როგორც ათასობით ახალგაზრდამ ხელში აიღო იარაღი და საბრძოლველად გაეშურა. აირჩია ერთ-ერთი რთული პროფესია - ტანკისტობა და უშუალო ბრძოლებში ჩაბმამდე მომზადება გაიარა გორის სასწავლო სატანკო ნაწილში. საქართველოს ტერიტორიული ერთიანობისთვის და დამოუკიდებლობისთვის ერთ-ერთი საომარი ოპერაციის შესრულების დროს გმირულად დაიღუპა აფხაზეთის სოფელ გვარდასთან. საქართველოს ტერიტორიული მთლიანობისათვის მებრძოლი აფხაზეთის ომში. შავშვების საშუალო სკოლას, მიენიჭა იოსებ დიმიტრის ძე წკრიალაშვილის სახელი.

წყარო: და ვანთებ სანთელს. [ნაწ. 1], (მდუმარე კოჰორტა): წიგნი ეძღვნება იმ ადამიანების ხსოვნას, რომლებმაც ნათელი კვალი დაამჩნიეს ავტორის ცხოვრებას/ვახტანგ ჭანკოტაძე. -თბ., 2007. -გვ.-162-165

• ვახტანგ გორგასლის I ხარისხის ორდენი (გარდაცვალების შემდეგ)