ჟორა კარაპეტიანი

დაბადების ადგილი: ქ. გორი.

იბრძოდა მეორე მსოფლიო ომის ფრონტებზე. ჰქონდა უმაღლესი პოლიტექნიკური განათლების დიპლომი; ნაბიჯ-ნაბიჯ გაიარა გზა რიგითი მხაზველიდან სამმართველოს უფროსისა და კომბინატის დირექტორის თანამდებობამდე. იყო მაღალი დონის სპეციალისტი, რომელიც თავის გვერდით ზრდიდა მომავალ ახალგაზრდა მშენებლებს, ასწავლიდა მათ სამშენებლო ტექნოლოგიებში დანერგილ სიახლეებს. მისი აქტიური მონაწილეობით და ხელმძღვანელობით აშენდა: სასტუმრო "ინტურისტი", კავშირგაბმულობის სახლი, ბამბეულის ქსოვილების კომბინატის მეორე რიგი, საკონსერვო ქარხანა, სურამის მინის ქარხანა, წისქვილკომბინატი, მაცივარკომბინატი, ბორჯომის N2 ჩამომსხმელი ქარხანა, ხაშურის გალანტერიის კომბინატი, ბიჭვინთის დასასვენებელი კომპლექსის N6 კორპუსი, მრავალი საცხოვრებელი ბინა, სკოლა, საბავშვო ბაღი და სხვა. სამამულო ომის ვეტერანი. მისი საბრძოლო, სამეურნეო თუ საზოგადოებრივი მოღვაწეობა აღინიშნა მრავალი ორდენით, მედლით, დიპლომით და ა.შ.

წყარო: და ვანთებ სანთელს. ნაწ. 2 (ხსოვნის წიგნი): წიგნი ეძღვნება აწგარდაცვლილი გორელების ხსოვნას/ვახტანგ ჭანკოტაძე. -თბ., 2007. -გვ.-32-34

• საქართველოს დამსახურებული ინჟინერი (მშენებელი)