გივი სოსანიძე

დაბადების ადგილი: ქ. გორი.

დაამთავრა ქ. კოსტრომის საფეიქრო ინსტიტუტი.

მუშაობა დაიწყო კოსტრომის ხალიჩების ფაბრიკაში ინჟინერ-ტექნოლოგის თანამდებობაზე. კოსტრომაშივე დაიწყო აქტიური სპორტული მეცადინეობა და გახდა საკმაოდ წარმატებული მოკრივე. როგორც პროფესიონალი ინჟინერი, აქტიურ შრომით მოღვაწეობას ეწეოდა სხვადასხვა სამეურნეო დარგში, სხვადასხვა თანამდებობაზე: სამკერვალო საამქროში, ატელიეში, ყრუ-მუნჯთა საწარმოო წამოწყებაში დირექტორად, გორის მექანიკურ ქარხანაში ხელმძღვანელად, გორის სამეცნიერო-კვლევით ინსტიტუტში მექანიკური საამქროს უფროსად და სხვა. გარდა ორგანიზაციული ნიჭისა და საინჟინრო აზროვნებისა, რაც არაერთხელ დაადასტურა სამეცნიერო-კვლევით ინსტიტუტში რთული კონსტრუქციული მოწყობილობების დამუშავების პროცესში, საუკეთესოდ ფლობდა ისეთ პრაქტიკულ პროფესიებს, როგორიცაა: ზეინკლობა, ხარატობა, კალატოზობა, სადურგლო საქმიანობა, ავტოგენური და ელექტრო შედუღება, გალვანური ტექნოლოგია და მრავალი სხვა. 

წყარო: და ვანთებ სანთელს. ნაწ. 3 (ხსოვნის წიგნი): წიგნი ეძღვნება აწგარდაცვლილი გორელების ხსოვნას/ვახტანგ ჭანკოტაძე. -თბ., 2008. -გვ.43-46