რევაზ მოისწრაფიშვილი

დაბადების ადგილი: ქ. ქობულეთი.

დაამთავრა აზოვის შავი ზღვის სოფლის მეურნეობის მექანიზაციისა და ელექტროფიკაციის ინსტიტუტი ინჟინერ - მექანიკოსის კვალიფიკაციით 1976 წელს.

1964–1970წწ. მუშაობდა ქობულეთის რაიონის რადიორედაქციაში დიქტორად; 1976–1978წწ. იყო მშენებლობის სამინისტროს ტრესტ "სპეცმშენის" სახაზო მექანიკოსი; 1979–1984წწ. ქობულეთის აგროსამრეწველო გაერთიანების მთავარი ინჟინერ-მექანიზატორი; 1984–1986წწ. იმავე გაერთიანების თავმჯდომარის პირველი მოადგილე; 1986–1987წწ. ხელმძღვანელობდა ქობულეთის რაიკომის მრეწველობისა და ტრანსპორტის განყოფილებას; 1987–1991წწ. ქობულეთის სახალხო დეპუტატთა რაიონული საბჭოს აღმასკომის თავმჯდომარის მოადგილე; 1991-1992წწ. ქობულეთის რაიონის პრეფექტის მოადგილე; 1992–1995წწ. ქობულეთის რაიონის გამგეობის თავმჯდომარის მოადგილე; 1995–2006წწ. იყო კინტრიშის სახელმწიფო ნაკრძალის დირექტორი; 2002–2006წწ. ქობულეთის სახელმწიფო ნაკრძალისა და ქობულეთის აღკვეთილის ადმინისტრაციის დირექტორი; 2006 წლიდან გარდაცვალებამდე ქობულეთის დაცული ტერიტორიების ადმინისტრაციის დირექტორი; მისი ხელმძღვანელობით დაცული იქნა კინტრიშისა და ქობულეთის უნიკალური ეკოსისტემები, აღიკვეთა ანთროპოგენური ზემოქმედება, აღდგა ისპანის ჭაობის რელიქტური ტყე; 2004 წელს გაუქმდა ნაკრძალის ტერიტორიაზე დაგეგმილი მელიორაციის აუქციონი; 2007 წელს შეიცვალა ავტომაგისტრალისა და ბუნებრივი აირის მარშრუტები ნაკრძალის დასაცავად; რევაზ მოისწრაფიშვილის გონივრული მენეჯმენტის შედეგად, ქობულეთის ისპანის ნაკრძალმა და კინტრიშის ნაკრძალმა გააძლიერა UNESCO-ს მსოფლიო ბუნებრივი მემკვიდრეობის უბნის ნომინაცია "კოლხეთის ნოტიო ტყეები და ჭარბტენიანები" და 2021 წლის 26 ივლისს UNESCO-მ ოფიციალურად მიანიჭა აღნიშნული სტატუსი; საერთაშორისო თანამშრომლობა: UNESCO, რამსარის კონვენცია, ტორფნარების კონსერვაციის საერთაშორისო ჯგუფი, მსოფლიო წითელი ნუსხა. მისი კალიგრაფიის მიხედვით შექმნილია ქართული შრიფტი: calligraphy.ge; გარემოსდამცველი, მენეჯერი.

• 2010 - ღირსების ორდენი