ტიტე ღლონტი

დაბადების ადგილი: სოფელი მელიქედური, ოზურგეთის რაიონი.

სწავლობდა ხარკოვის უნივერსიტეტის სამედიცინო ფაკულტეტზე; 1923 წელს დაამთავრა თბილისის სახელმწიფო უნივერისტეტის სამკურნალო ფაკულტეტი 1923 წელს.

1923-1925წწ. იყო ფსიქიატრიის სამედიცინო-კვლევითი ინსტიტუტის ორდინატორი, ასისტენტი; მონაწილეობდა სვანეთში ინსტიტუტის დირექტორის - მიხ. ასათიანის ხელმძღვანელობით მოწყობილ ჩიყვის შემსწავლელ ექსპედიაში (1925), ხოლო ამავე წლის შემოდგომაზე - აჭარაში; 1930 წლიდან მუშაობდა ოზურგეთის რაიონის ჯანმრთელობის განყოფილების გამგედ; ამ პერიოდში გახსნა ორი დაწესებულება ოზურგეთში: ფიზიოთერაპიული განყოფილება და რენტგენის კაბინეტი; იყო ფიზიოთერაპიული განყოფილების გამგე სიცოცხლის ბოლომდე. იყო ცნობილი პუბლიცისტი, მწერალი-პროზაიკოსი, კრიტიკოსი, სატირიკოსი. 1916 წლიდან "D" (დოქტორის) ფსევდონიმით ბეჭდავდა საინტერესო სატირულ სტატიებს ჟურნალ "ეშმაკის მათრახში"; 1925 წელს მან ერთ-ერთმა პირველმა დაწერა ფსიქიატრიაში დამხმარე სახელმძღვანელო "სულით ავადმყოფები"; ჰქონდა საინტერესო მეცნიერული შრომები. მან პირველმა, როგორც ფსიქიატრმა, დაიწყო ჩვენში ფსიქონევროლოგიაში პერსონოლოგიური კვლევის საკითხების შესწავლა (ალექსანდრე ყაზბეგი, ტერენტი გრანელი, გალაქტიონ ტაბიძე). 

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.301-302

• სულით ავადმყოფები : ხალხური საუბარი (ავტორი). - ტფილისი, წითელი ჯვრის საზოგადოება, 1925. - 46გვ.