გრიგოლ მეფისაშვილი

წარმოშობით ახალციხელი გრიგოლ მეფისაშვილი, აღიზარდა რომში, ფლობდა სხვადასხვა ენას. 1829 წელს ახალციხის იოანე ნათლისმცემლის ეკლესიაში მღვდლად გააამწესეს. მის დანიშვნამდე ეს ეკლესია გაუქმებული იყო ქართველი კათოლიკე მღვდლების დაპატიმრების გამო. ამ ეკლესიაში სომეხი მღვდელთმსახურების გავლენით საეკლესიო დავთრები 1739-1770 წლებში სომხურ ენაზე იწერებოდა. გრიგოლ მეფისაშვილმა ხსენებული დავთრების წერა ქართულად დაიწყო (მსახურებდა 1840 წლამდე). წერდა მკურნალობის შესახებ წერილებს (ნაწილი გამოქვეყნებულია 1904 წლის "მოგზაურში"), ასევე ქართველ კათოლიკეებს სასტიკი ეროვნულ-სარწმუნოებრივი დევნის დროს მფარველობდა. მწიგნობარი და მკურნალი.

წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.286