გიორგი მირინაშვილი

დაბადების ადგილი: სოფელი ანაგა, სიღნაღის რაიონი.

პირველი ლექსი "განწირული" დაბეჭდა "თეატრი და ცხოვრებაში" (1919, №13), შემდეგ არალეგალურ გაზეთ "კომუნისტში" 1920 წლის გაზაფხულზე გამოაქვეყნა ლექსები: "ჩვენი სკოლა", "შვების ზარი" და სხვ. 1915-1916 წლებში სასოფლო სცენაზე სცენისმოყვარულთა შორის მონაწილეობდა, გამოდიოდა ქ. სიღნაღში, სოფელ ანაგაში, კარდენახს და ლაგოდეხში. 1921-1922 წლებში დადგა პიესები "ლურჯი ხალათი", "ადვოკატი მელაძე", "მსხვერპლი" და სხვ., მთავარ როლებს ასრულებდა თვითონ. დაპატიმრებული იყო პოლიტიკური საქმიანობის გამო. საქართველოში საბჭოთა წყობილების დამყარების შემდეგ ასრულებდა სხვადასხვა საპასუხისმგებლო თანამდებობას: იყო მაზრის პარტიული კომიტეტის საორგანიზაციო განყოფილების გამგე, სამაზრო აღმასრულებელი კომიტეტის თავმჯდომარე, უზენაესი სასამართლოს წევრი, რესპუბლიკის პროკურატურაში პროკურორად და სხვ.

წყარო: ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.322