თეიმურაზ გიორგობიანი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის მეტალურგიული ფაკულტეტი 1963 წელს; მოსკოვის ფოლადისა და შენადნობების ინსტიტუტის ასპირანტურა 1969 წელს.

1963-1965წწ. მუშაობდა რუსთავის მეტალურგიულ ქარხანაში მეაირის თანაშემწედ, ინჟინრად და უფროს ინჟინრად; 1969 წელს მუშაობა დაიწყო საქართველოს პოლიტექნიკურ ინსტიტუტში სხვადასხვა თანამდებობებზე: უმცროს მეცნიერ მუშაკად, სტუდენტთა საკონსტრუქტორო საკვლევი ბიუროს უფროსად, დოცენტად, სამეცნიერო ნაწილში ჯერ საწარმოო სექტორის, ხოლო შემდგომ განყოფილების უფროსად, წამყვან მეცნიერ მუშაკად; 2006 წლიდან საქართველო-კანადის პროექტ G-1255-ის წამყვანი მეცნიერ-მუშაკია. 1990 წელს მონაწილეობდა ბომბეის მანქანათმშენებლობის საერთაშორისო კონფერენციაში, სადაც გამოვიდა ორი მოხსენებით.  მიღებული აქვს 13 საავტორო მოწმობა. მინიჭებული აქვს დამსახურებული რაციონალიზატორის წოდება. რუსთავის მეტალურგიულ ქარხანაში ერთ-ერთი საავტორო წინადადების დანერგვით წლიურმა ეკონომიამ მილიონ მანეთზე მეტი მოგება მისცა საწარმოს. არის რამდენიმე ათეული სამეცნიერო ნაშრომის ავტორი და თანაავტორი.

წყარო: ჩვენი რაჭა / ირაკლი დვალი.-თბ.,2008.-გვ.110