რაულ თოფურია

დაბადების ადგილი: ქ. აბაშა.

დაამთავრა თბილისის სახელმწიფო სამედიცინო ინსტიტუტის სტომატოლოგიური ფაკულტეტი 1950 წელს.

1950-1952წწ. იყო ქ. გაგრის ცენტრალური საავადმყოფოს ექიმი-სტომატოლოგი; 1952 წლიდან აბაშის ცენტრალური საავადმყოფოს პოლიკლინიკური განყოფილების ექიმი-სტომატოლოგი; სხვადასხვა დროს კვალიფიკაცია აიმაღლა თბილისის ექიმთა დახელოვნების ინსტიტუტში: სტომატოლოგიაში (1960), თერაპიულ სტომატოლოგიაში (1973), ქირურგიულ სტომატოლოგიაში (1981), ყბა-სახის მიდამოს ტრავმები და ანთებითი პროცესები(1992). მინიჭებული აქვს ექიმ-სტომატოლოგის პირველი კატეგორიის წოდება (1974) და ექიმ-სტომატოლოგიის უმაღლესი კატეგორიის წოდება (1992), ხოლო სახელმწიფო სერთიპიკატის მიმნიჭებელმა კომისიამ მას მიანიჭა სტომატოლოგიურ თერაპიაში მუშაობის ნებართვის სერთიფიკატი (2001). 

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.804-805; რაულ თოფურია : განცხადება გარდაცვალების შესახებ // საქართველოს რესპუბლიკა.-თბილისი,2018.-30 მარტი.-N 65 (8466).-გვ.11

• 2015 - აბაშის საპატიო მოქალაქე
• 2001 - ღირსების ორდენი
• 1983 - შრომის ვეტერანი