მიხეილ ნაკაშიძე

დაბადების ადგილი: სოფელი გობრონეთი, ქედის რაიონი. 

1949-1953წწ. სწავლობდა თბილისის სახელმწიფო სამედიცინო ინსტიტუტის სამკურნალო ფაკულტეტზე; 1953 წლიდან სწავლა განაგრძო ქ. კუიბიშევის სამხედრო-სამედიცინო სამკურნალო ფაკულტეტზე, რომელიც 1955 წელს დაამთავრა.

1955-1957წწ. იყო მონღოლეთში დისლოცირებული საბჭოთა ჯარების ნაწილის შემადგენლობაში არსებული სამხედრო ნაწილის უმცროსი ექიმი; 1957-1961წწ. ქ. კოკჩეტავის სამხედრო ნაწილის სამედიცინო პუნქტის გამგე; 1961-1964წწ. ომსკის ოლქში დისლოცირებული სამხედრო ნაწილის უფროსი ექიმი; 1964-1968წწ. ქ. მურომის გარნიზონის ჰოსპიტლის ექიმი-თერაპევტი; 1968-1970წწ. აქვე- ექიმი-ინფექციონისტი; 1970-1972წწ. ქ. იაროსლავლის სამხედრო ნაწილის სამედიცინო სამსახურის უფროსი; 1972-1976წწ. ქ. ბათუმის სამოქალაქო თავდაცვის შტაბის სამედიცინო სამსახურის უფროსი; 1976-1981წწ. ქ. ვოროშილოვგრადის (უკრაინა) ოლქის სამოქალაქო თავდაცვის შტაბის სამედიცინო სამსახურის უფროსი; 1981-1986წწ. ქობულეთის რაიონის მთავარი ექიმის მოადგილე სამკურნალო დარგში; 1986-1988წწ. აჭარის ჯანმრთელობის დაცვის სამინისტროს სამკურნალო-პროფილაქტიკური განყოფილების უფროსი; 1989-1996წწ. ბათუმის რესპუბლიკური საავადმყოფოს სან-ავია სამსახურის უფროსი; 1996-1999წწ. ბათუმის სასწრაფო სამედიცინო სადგურის მთავარი ექიმის მოადგილე კატასტროფის მედიცინის დარგში; 1999-2000წწ. იქვე - მთავარი ექიმი; 2001-2003წწ. აჭარის ავტონომიური რესპუბლიკის ჯანდაცვის სამინისტროს მუნიციპალური ფონდის ექიმი-კოორდინატორი; 2003 წლიდან პროფესორ ილია ნაკაშიძის ხელმძღვანელობით გახსნილი შპს კლინიკა "პარაცელსის" ექიმი-თერაპევტი. ეწეოდა პედაგოგიურ მოღვაწეობას შოთა რუსთაველის სახელობის ბათუმის პედაგოგიური უნივერსიტეტის სამკურნალო ფაკულტეტზე, ბათუმის სამედიცინო სასწავლებელში - კითხულობდა ლექციებს ანატომიაში, ფარმაკოლოგიაში და პროფდაავადებაში. იგი დაჯილდოებული იყო სახელისუფლებო ორგანოების მიერ მრავალი მედლით, სიგელითა და მადლობით (1953-1981 წლებში, სულ 11 მედალი, 51 სიგელი). მიღებული ქონდა სამხედრო წოდებები: სამედიცინო სამსახურის ლეიტენანტი (1953), უფროსი ლეიტენანტი (1958), კაპიტანი (1961), მაიორი (1969) პოდპოლკოვნიკი (1977); აჭარის ავტონომიური რესპუბლიკის უზენაესი საბჭოსგან მიღებული აქვს სიგელი "ჯანმრთელობის დაცვის დარგში ნაყოფიერი საქმიანობისთვის" (1999). სამხედრო ექიმი, თერაპევტი, ჯანდაცვის ორგანიზატორი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.807-810

• 1988 - მედალი "საბჭოთა შეიარაღებული ძალების 70 წლისთავი"
  მედალი
• 1981 - მედალი "საბჭოთა შეიარაღებული ძალების ვეტერანი"
  მედალი
• 1979 - საბჭოთა კავშირის "ჯანმრთელობის დაცვის ფრიადოსანი"
  მედალი
• 1964 - მედალი "ჯანმრთელობის დაცვის ფრიადოსანი"
• მედალი "ყამირი მიწების ათვისებისთვის"