იზა ჩიქობავა

დაბადების ადგილი: ქ. ზესტაფონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1965 წელს.

1957 წელს მუშაობდა ქ. ზესტაფონის გრენქარხნის სეზონის მუშად; 1958 წელს ზესტაფონის რაიონის სოფელ დილიკაურის საშუალო სკოლის მუსიკის მასწავლებელად; 1965-1969წწ. ზესტაფონის რაიონის სოფელ ზედა საქარის ამბულატორიის გამგედ; 1969-1980წწ. ქ. ზესტაფონის სამშობიარო სახლის ექიმი-ორდინატორია; 1980-1989წწ. ქალთა კონსულტაციის გამგე; 1989-1998წწ. სამშობიარო სახლის ექიმი-ორდინატორია; 1998 წლიდან სამშობიარო სახლის სისხლის გადასხმის კაბინეტის ექიმია; გავლილი აქვს მთელი ციკლი სამეანო გინეკოლოგიაში ექიმთა დახელოვნების სახელმწიფო ინსტიტუტში (1974, 1981, 1988, 1993); თბილისის ექიმთა დიპლომისშემდგომი განათლების სახელმწიფო აკადემიაში მიღებული აქვს ექიმის ლიცენზია (1999) და მინიჭებული აქვს უფლება დამოუკიდებელ სამედიცინო საქმიანობაზე, სახელმწიფო სერთიფიკატი (1999, 2004); მიღებული აქვს მონაწილეობა: მედიკოსთა XIV საერთაშორისო სკოლა-კონფერენციაში - ქობულეთი - საქართველოს ექიმთა კონგრესში - "საქართველოს ჯანმრთელობის დაცვა საუკუნეთა მიჯნაზე, რეალობა და პერსპექტივები" (2003), ქუთაისის საერთაშორისო კონგრესში - ოჯახის ექიმის ინსტიტუტის  განვითარება საქართველოში (2005), "ქალთა ჯანმრთელობის პროგრამა საქართველოში" - ოჯახის დაგეგმარებაში (2005) ქუთაისი; 2006 წელს დასახელდა ქ. ზესტაფონში წლის საუკეთესო ექიმად; ქ. ზესტაფონის სახელმწიფო მუზეუმში ინახება ზესტაფონის რაიონში სამეანო-გინეკოლოგიური სამსახურის განვითარების 50 წლისთავისათვის მიძღვნილი ი. ჩიქობავას მიერ შედგენილი ალბომი. მეან - გინეკოლოგი.

წყარო:  საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.825-826

• საქართველოს ეროვნული აკადემია, საპატიო წევრი (2007-)

• 1970 - მედალი "ჯანმრთელობის დაცვის ფრიადოსანი"