ალექსანდრე მეტრეველი

დაბადების ადგილი: სოფელი სომიწო, ონის რაიონი.

დაამთავრა საქართველოს სასოფლო სამეურნეო ინსტიტუტი ინჟინერ–ტექნოლოგის კვალიფიკაციით 1952 წელს; კვების მრეწველობის სახალხო უნივერსიტეტის საწარმოო ტექნიკური პროგრესის ფაკულტეტი 1972 წელს.

1942–1944წწ. მუშაობდა ქალაქ ონში ფინგანის საგადასახადო აგენტად; 1944-1952წწ. ონის რაიონის სოფელ ჟაშქვის სასოფლო საბჭოს ფინანსურ აგენტად; 1952–1954წწ. ვანის ღვინის ქარხნის სამმართველოს მეღვინედ; 1954-1962წწ. ამბროლაურის მარანი, მეღვინე, ხვანჭკარის ქარხანა, მეღვინე, ხვანჭკარის ქარხანაში მუშაობის დროს ჩამოასხა ღვინო "თეთრა", რომლის ფორმირებაში მას დიდი წვლილი მიუძღოდა; 1962–1965წწ. იყო სამტრესტის გორის ქარხნის მეღვინე, დირექტორის მოვალეობის შემსრულებლი; 1966-1967წწ. კარდენახის ღვინის ქარხნის ოსტატი; 1967 წელს რამდენიმე თვის განმავლობაში იმუშავა როსტოვის ღვინის ქარხნის მთავარი ინჟინრის მოადგილედ; 1967-1973წწ. კარდენახის ღვინის ქარხნის მთავარი ინჟინრის მოადგილედ; 1973-1977წწ. მუკუზნის საწარმო გაერთიანების N2 ღვინის ქარხნა: 1973-1976წწ. წარმოების გამგე, 1976-1977წწ. მთავარი ტექნოლოგი; 1977 წლიდან  მუშაობდა შრომის ღვინის ქარხნაში უფროს ოსტატ მეღვინედ და ტექნოლოგ-ქიმიკოს-კონტროლიორად. ხანგრძლივი და ნაყოფიერი მუშაობისთვის მიღებული აქვს მრავალი ჯილდო.

წყარო: ჩვენი რაჭა / ირაკლი დვალი.-თბ.,2008.-გვ.241

• 1970 - შრომის წითელი დროშის ორდენი