ირინა დალაქიშვილი-საბაშვილი

დაბადების ადგილი: ქ. ბორჯომი.

დაამთავრა ქ. კუიბიშევის (თათრეთის ასსრ, რსფსრ) სახელმწიფო სამედიცინო ინსტიტუტის სამკურნალო ფაკულტეტი 1972 წელს; ამავე ინსტიტუტში გაიარა ინტერნატურა მეან-გინეკოლოგიის სპეციალობით.

1972-1976წწ. ქ. კუიბიშევის რაიონული საავადმყოფოს ექიმი მეან-გინეკოლოგი; 1976-1980წწ. ბორჯომის რაიონული საავადმყოფოს ექიმი მეან-გინეკოლოგი; 1980-1983წწ. ალჟირის სახალხო დემოკრატიული რესპუბლიკის ქალაქ ჟაზელის ექიმი მეან-გინეკოლოგი (გაიგზავნა საქართველოს ჯანმრთელობის დაცვის სამინისტროს მიერ მეუღლესთან ბორჯომის რაისაავადმყოფოს ქირურგ ბორის საბაშვილთან ერთად); 1983-1996წწ. ბორჯომის რაიონული საავადმყოფოს ექიმი მეან-გინეკოლოგი და განყოფილების გამგე; 1996-2002წწ. ჯანდაცვის დარგში რეორგანიზაციის გამო ბორჯომის რაიონული საავადმყოფოსგან გამოყოფილი სამშობიარო განყოფილების სამშობიარო სახლად გადაკეთების შემდეგ იყო ჯერ სამშობიარო სახლის მთავარი ექიმი, შემდეგ დირექტორი; 2002 წლიდან ბორჯომის სამშობიარო სახლის ექიმი მეან-გინეკოლოგი ოპერატორი; 1999 წელს მიღებული აქვს ლიცენზია სპეციალობის მიხედვით; 2002 წელს ჩააბარა სახელმწიფო სასერთიფიკაციო გამოცდა სპეციალობაში "ჯანდაცვის ორგანიზაცია"; 1984 წელს მიენიჭა პირველი კატეგორიის ექიმის წოდება მეან-გინეკოლოგიაში; წლების განმავლობაში ატარებდა სემინარებს, ამზადებდა ახალგაზრდა კადრს, ეწეოდა მუშაობას სოფლის ბებიაქალებთან - "პირველადი დახმარება ორსულობისა და მშობიარობის დროს". იგი, როგორც სამცხე-ჯავახეთის რეგიონში ცნობილი და დამსახურებული ექიმი შესულია ეუთოს ფინანსური მხარდაჭერით გამოცემულ წიგნში "რეგიონის ლიდერი ქალები" (გამომცემლობა "საარი", 2003, ქ. ახალციხე). მეან-გინეკოლოგი, ჯანდაცვის ორგანიზატორი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.864-865

• 1990 - მედალი "ჯანმრთელობის დაცვის ფრიადოსანი"