
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ჰიროტაკე მაედა

Date of birth:	May, 1971 (55 years)
Category:	Historian, Scientist, Explorer, Philologist

Biography

1995 ჩააბარა ტოკიოს უნივერსიტეტის ასპირანტურაში, პროფესორი ჰიროტაკე მაედა ფლობს ქართულ, ინგლისურ და სპარსულ ენებს. მეცნიერი იკვლევს საქართველო-ირანის ურთიერთობებს, უპირველესად კი ქართველების მოღვაწეობას ირანში XVI-XVII საუკუნეებში. მონაწილეობდა საქართველოსა და უცხოეთში გამართულ სამეცნიერო ღონისძიებებში (თბილისი, ტოკიო, ლონდონი, პარიზი, ვენა, ბამბერგი, ალიკანტე, ანარბორი, ნიუ-ჰაივენი, სტენფორდი). წაკითხული აქვს მოხსენებები საქართველოს ისტორიის ამა თუ იმ საკითხთან დაკავშირებით, მათ შორის, ლექცია "ქართული წყაროების მნიშვნელობა გვიანი შუასაუკუნეების ისტორიის კვლევაში". გამოიკვლია უცხო წყაროებში არსებული ინფორმაცია იმდროინდელ ქართველ მოღვაწეებზე, მათ შორის, გიორგი სააკაძის, ქეთევან დედოფლის ცხოვრების შესახებ. ჰიროტაკე მაედა არაერთი პუბლიკაციის ავტორია, რომლებიც გამოცემულია სხვადასხვა ენაზე, მათ შორის, აღსანიშნავია 2008 წელს ქართულად გამოცემული წიგნი "ქართველები სეფიანთა ირანში". იგივე შინაარსის სტატია დაიბეჭდა იაპონურად ტოკიოში ჯერ 1999 წელს, პარიზში - ინგლისურად 2003 წელს, წიგნად გამოიცა სპარსულად თეირანში 2018 წელს. ამ წიგნში მეცნიერმა გამოიკვლია ბარათაშვილი-ორბელიშვილების, უნდილაძეების, სააკაძეების და მირიმანიძეების (მელიქიშვილების) მოღვაწეობა. გარდა ისტორიის კვლევისა, ჰიროტაკე მაედა იაპონურ ენაზე გამოქვეყნებული არაერთი სტატიის ავტორია, რომლის მიზანიც ქართული ისტორიისა და კულტურის პოპულარიზაცაა. მან იაპონიის ისტორიაში პირველმა შექმნა ნაშრომი "ილია ჭავჭავაძე" (2005). მისი სამეცნიერო სტატიებია "ხიდი აღმოსავლეთსა და დასავლეთს შორის: ქართული ლიტერატურის სამყარო" (ტოკიო, 2008), "გალაკტიონ ტაბიძის მთვარის ნაამბობიდან: საქართველოს ეროვნული პოეტი და იაპონია" (ოსაკა, 2010), "იაპონია-საქართველოს კულტურული ურთიერთობების ისტორიიდან" (ლადო გუდიაშვილის ალბომის იაპონური გამოცემის შესახებ, თბილისი, 2019). მეცნიერი პირველად საქართველოში 1995 წელს ჩამოვიდა. პროფესორი ჰიროტაკე მაედა სამჯერ არის ნამყოფი ფერეიდანში, ასევე ტაო-კლარჯეთში, ერთხელ კი - საინგილოში. 2018 წელს, ათონის მთაზე სამეცნიერო მივლინებისას, კარაკალას მონასტერში შემთხვევით აღმოაჩინა უნიკალური ხელნაწერი, აშოთან II მუხრანბატონის მიერ შეწირული; "ათონის მთაზე ახლადმიკვლეული აშოთან II ბაგრატიონის დაკვეთით გადაწერილი ბერძნული ოთხთავი" (ჰიროტაკე მაედა და ოქროპირ ჯიქური, ვარშავა, 2018). ტოკიოს მეტროპოლიტენის უნივერსიტეტის პროფესორი, ისტორიის მეცნიერებათა დოქტორი. ქართველოლოგი, კავკასიოლოგი, ირანისტი და აღმოსავლეთმცოდნე.

წყარო: შოთა რუსთაველის საქართველოს ეროვნული სამეცნიერო ფონდის პორტალი: rustaveli.org.ge

Bibliography

ქართველები სეფიანთა ირანში : ღულამთა ოთხი ოჯახის ეთნოსოციალური წარმომავლობა (Author). - თბილისი, არტანუჯი, 2011. - 124გვ.