მარინე ღოღელიანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1982 წელს; ჩაჩავას სახელობის სამეცნიერო-კვლევითი ინსტიტუტის ორდინატურა 1984 წელს და თბილისის სახელმწიფო სამედიცინო ინსტიტუტის ასპირანტურა 1987 წელს.

1987 წლიდან მუშაობს აკადემიკოს ვახტანგ ბოჭორიშვილის სახელობის სეფსისის საწინააღმდეგო ეროვნულ ცენტრში სეფსისოლოგ-გინეკოლოგად; არის კონსილიუმ "მედულას" მეან-გინეკოლოგი და ჰემატოლოგ-ტრანსფუზიოლოგი; 2024 წელს შეუერთდა ჟორდანიას სახელობის სამედიცინო ცენტრის კოლექტივს, როგორც გინეკოლოგ - ინფექციონისტი; არის საქართველოს კატასტროფის სამედიცინო სამსახურის კონსულტანტი, ქიმეოთერაპიული საზოგადოების და სეფსისის ასოციაციის  და არასამთავრობო ორგანიზაცია "ასაკლეპიუსის" გამგეობის წევრი; მონაწილეობს საქველმოქმედო აქციებსა და ექიმთა დიპლომისშემდგომი განათლების პროგრამებში, სადაც კითხულობს ლექციების კურსს; აქტიურად მონაწილეობს სამედიცინო სამეცნიერო კონფერენციებსა და სიმპოზიუმებში; გამოქვეყნებული აქვს სამეცნიერო ნაშრომები. არის 3 საერთაშორისო კვლევის თანამკვლევარი. მედიცინის მეცნიერებათა დოქტორი. ექიმ გივი ღოღელიანის შვილი.

სადისერტაციო თემა - "ჩირქოვანი მასტიტების ნაადრევი დიაგნოსტიკის იმუნოლოგიური ასპექტები და მკურნალობის მეთოდები", დაიცვა 1987 წელს.

წყარო: ჩვენი რაჭა / ირაკლი დვალი.-თბ.,2008.-გვ.332