ვასილ ბებუთოვი

დაბადების ადგილი: ქ. ტფილისი.

დაამთავრა ბაქოს რეალური სასწავლებელი და კონსტანტინეს მე-2 სამხედრო სასწავლებელი სანქტ-პეტერბურგში.

სამხედრო სამსახურში შევიდა 1885 წელს. მსახურობდა ვარშავის საციხოვნო არტილერიაში; 1908-1910წწ. კავკასიის 1-ლი სამთო საარტილერიო დივიზიონის მე-2 ბატარეის მეთაურად; 1910-1913წწ. 39-ე საარტილერიო ბრიგადის მე-3 ბატარეის მეთაურად. 1913-1914წწ. 39-ე საარტილერიო ბრიგადის საარტილერიო პარკის უფროსად. 1914 წლის 6 მაისს მიენიჭა პოლკოვნიკის სამხედრო წოდება. მონაწილეობდა (1914-1918) პირველ მსოფლიო ომში. 1918 წლის დეკემბერში გენერალ-მაიორის ჩინით იდგა აღრიცხვაზე საქართველოში სომხეთის რესპუბლიკის დიპლომატიურ მისიაში. სამსახურში წარჩინებისთვის დაჯილდოებული იყო ორდენებით. გენერალ-მაიორი (1917).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.48

• 1913 - წმინდა ანას II ხარისხის ორდენი
• 1906 - წმინდა სტანისლავის II ხარისხის ორდენი