ოთარ მიმინოშვილი

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1963 წელს.

1958–1972წწ. თამაშობდა წყალბურთს თბილისის "დინამოს", საქართველოსა და სსრკ ნაკრებების შემადგენლობაში; იყო თბილისის "დინამოს" კაპიტანი, სპორტული საზოგადოება "დინამოს" ინსტრუქტორი, მრავალი საერთაშორისო, საკავშირო და რესპუბლიკური ტურნირის გამარჯვებული და პრიზიორი; ხელი შეუწყო წყალბურთის პოპულარიზაციას საქართველოში. 1968–2006წწ. მუშაობდა თბილისის სახელმწიფო უნივერსიტეტის ისტორიის ფაკულტეტის არქეოლოგიისა და ეთნოგრაფიის კათედრის ლაბორანტად, უფროს ლაბორანტად; 1972–1974წწ. – ისტორიის ფაკულტეტის დეკანის მოადგილედ; 1973 წლიდან ისტორიის ფაკულტეტზე კითხულობდა ლექციებს მსოფლიო ხალხთა რელიგიის ისტორიაში; 1987 წლიდან იყო ეთნოგრაფიის კათედრის დოცენტი, 1990 წლიდან – თბილისის სახელმწიფო უნივერსიტეტის ეთნოგრაფიის კათედრასთან არსებული ეთნიკური კულტურისა და ეროვნული ტრადიციების შემსწავლელი ლაბორატორიის გამგე; 1994 წლიდან – სპეციალიზებული მოსამზადებელი განყოფილების უფროსი; 2008–2009წწ. მუშაობდა წმ. ანდრიას სახელობის ქართულ უნივერსიტეტში. ისტორიის მეცნიერებათა დოქტორი (2003), პროფესორი (2003). წყალბურთელი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 1998 - ღირსების ორდენი
• 1961 - სსრკ სპორტის ოსტატი

• ქართული მწერლობა და საქართველოს ეთნოლოგია (ავტორი). - თბილისი, ნეკერი, 2005. - 303გვ.. - ISBN: 9994082353
• ეთნოგრაფიული აზროვნების ისტორიიდან XIX საუკუნის პირველ ნახევარში (ავტორი). - თბილისი, თბილისის სახ. უნ-ტის გამ-ბა, 2002. - 28გვ.. - ISBN: 999289573X
• ეთნოგრაფიის განვითარება-ჩამოყალიბების ზოგიერთი თავისებურებანი საქართველოში XIX საუკუნის მეორე ნახევარში (ავტორი). - თბილისი, თბილისის სახ. უნ-ტის გამ-ბა, 2002. - 36გვ.. - ISBN: 9992895721
• ქართული ეთნოგრაფიის ისტორიიდან (ავტორი). - თბილისი, თბილისის სახ. უნ-ტის გამ-ბა, 2002. - 20გვ.. - ISBN: 9992893354
• დიდ წინაპართა ეთნოგრაფიული მემკვიდრეობა : ილია ჭავჭავაძე და ვაჟა-ფშაველა (ავტორი). - თბილისი, უნივერსალი, 2001. - 120გვ.