ლევან მინდელი

დაბადების ადგილი: ქ. მოსკოვი.

მუშაობდა მოსკოვში ეკონომიკა-მათემატიკის ცენტრსა და სახალხო მეურნეობის პროგნოზირების (1991-მდე) ინსტიტუტებში. 1991 წელს იქვე ჩამოაყალიბა მეცნიერული კვლევისა და სტატისტიკის ინსტიტუტი, რომელსაც 1991–2005წწ. ხელმძღვანელობდა. 2005–2016წწ. იყო რუსეთის მეცნიერების განვითარების პრობლემების ინსტიტუტის დირექტორი; 2016–2019წწ. – სამეცნიერო ხელმძღვანელი. მის ინტერესების სფეროში შედიოდა სამეცნიერო კვლევების დაგეგმვის, მართვისა და ეფექტიანობის შეფასების პრობლემები, მეცნიერული ეკონომიკა, მეცნიერებისა და სამეცნიერო-ტექნიკური პრობლემების მართვა და განვითარების პროგნოზირება, ინოვაციური პოლიტიკა. ავტორია სამეცნიერო ნაშრომებისა და  რამდენიმე მონოგრაფიის. ეკონომიკის მეცნიერებათა დოქტორი, პროფესორი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; რუსეთის მეცნიერებათა აკადემია: new.ras.ru

• რუსეთის მეცნიერებათა აკადემია, წევრ-კორესპონდენტი (2011-)
• საქართველოს მეცნიერებათა ეროვნული აკადემია, უცხოელი წევრი (2010-)

• 1997 - რსფსრ მეცნიერებათა დამსახურებული მოღვაწე