ალექსანდრე მარდანოვი

დაამთავრა კავკასიის სამხედრო გამმიჯვნელთა და სამხედრო ტოპოგრაფთა სკოლა 1874 წელს და გენერალური შტაბის აკადემია - 1882 წელს.

მონაწილეობდა 1877-1878წწ. რუსეთ-ოსმალეთის ომში; 1878-1882წწ. მსახურობდა ასმეთაურად 161-ე ალექსანდროპოლის ქვეით პოლკში; 1882-1884წწ. - მე-20 ქვეითი დივიზიის შტაბის უფროსი ადიუტანტი; 1884-1888წწ. - კავკასიის II საარმიო კორპუსის შტაბი, დავალებათა ოფიცერი; 1888-1889წწ. - 22-ე ადგილობრივი ბრიგადის უფროსის მმართველობაში, დავალებათა ოფიცერი; 1889-1890წწ. - ქერჩის სიმაგრის შტაბის სამშენებლო განყოფილების უფროსი; 1892 წლის 6 დეკემბერს მიენიჭა პოლკოვნიკის სამხედრო წოდება; 1890-1894წწ. - კავკასიის სარეზერვო ბრიგადის მმართველობის შტაბ-ოფიცერი; 1894-1896წწ. - მიხეილის სიმაგრის (ქ. ბათუმი) შტაბის უფროსი; 1896-1898წწ. - მე-2 ქვეითი დივიზიის შტაბის უფროსი; 1898-1900წწ. - 36-ე ქვეითი დივიზიის შტაბის უფროსი; 1900-1904წწ. - მოჟაისკის 141-ე ქვეითი პოლკის მეთაური; 1904-1905წწ. - აღმოსავლეთ ციმბირის მე-3 მსროლელი დივიზიის I ბრიგადის მეთაური; 1904-1905წწ. რუსეთ-იაპონიის ომის დროს დაწინაურდა ბრძოლაში სოფელ ლიანდანსანთან (მანჯურიაში). 1905-1907წწ. - ამურისპირა სამხედრო ოლქის გენერალკავარტირმაისტერი; 1906-1907წწ. - გრენადერთა მე-3 დივიზიის I ბრიგადის მეთაური; 1907 წლიდან - ციმბირის მე-3 სარეზერვო ქვეითი ბრიგადის მეთაური; იმავე წელს გადადგა სამხედრო სამსახურიდან. საბრძოლო დამსახურებისათვის და სამსახურში წარჩინებისათვის დაჯილდოებული იყო ორდენებით. გენერალ-მაიორი (1904).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.73-74

• 1906 - ოქროს იარაღი
• 1905 - წმინდა სტანისლავის I ხარისხის ორდენი (ხმლებით)
• 1901 - წმინდა ანას II ხარისხის ორდენი
• 1900 - წმინდა ვლადიმირის IV ხარისხის ორდენი
• 1895 - წმინდა სტანისლავის II ხარისხის ორდენი
• 1888 - წმინდა ანას III ხარისხის ორდენი
• 1884 - წმინდა სტანისლავის III ხარისხის ორდენი
• წმინდა ვლადიმირის III ხარისხის ორდენი (ხმლებით)