ბადრი ჭოხონელიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1971 წელს

1971-1989 წლებში მუშაობდა კინოსტუდია "ქართული ფილმის" მწერალთა შემოქმედებით გაერთიანებაში; 1989 წლიდან იყო ალმანახ "დრამატურგის" მთავარი რედაქტორი; ლიტერატურ მოღვაწეობას სტუდენტობიდან ეწეოდა; მისი პირველი მოთხრობა "სადღეგრძელო" დაიბეჭდა უნივერსიტეტის ალმანახ "პირველ სხივში"; 1966 წელს საუნივერსიტეტო ლიტერატურულ კონკურსში "ნოველა-66" გაიმარჯვა და მას შემდეგ მისი მოთხრობები, პიესები, კინოსცენარები, მხატვრული თარგმანები სისტემატიურად იბეჭდებოდა ჟურნალ-გაზეთებში, გამოდიოდა ცალკე წიგნად, იდგმებოდა თეატრების სცენებზე. გამოცემული აქვს ხუთი პროზაული კრებული: "მოთხრობები", "ჩემი მეგობარი", "შენ კი ამბობდი", "ძმა", "ქალბატონები და ბატონები". ბ. ჭოხონელიძის სცენარების მიხედვით გადაღებულია 3 სრულმეტრაჟიანი მხატვრული ფილმი, ათამდე დოკუმენტური და რამდენიმე ნახატი ფილმი. მისი მოთხრობები თარგმნილია რამდენიმე უცხო ენაზე.

წყარო: ჩვენი რაჭა / ირაკლი დვალი.-თბ.,2008.-გვ.375

• ქალბატონები და ბატონები : მოთხრობები (ავტორი). - თბილისი, უნივერსალი, 2007. - 240გვ.. - ISBN: 9789994061518
• ძმა : მოთხრობები (ავტორი). - თბილისი, მერანი, 1997. - 256გვ.
• შენ კი ამბობდი : მოთხრობები (ავტორი). - თბილისი, მერანი, 1987. - 119გვ.
• ჩემი მეგობარი : მოთხრობები (ავტორი). - თბილისი, ნაკადული, 1985. - 148გვ.
• მოთხრობები (ავტორი). - თბილისი, მერანი, 1979. - 175გვ.