დიმიტრი ტერ-ასათუროვი

დაბადების ადგილი: ქ. ტფილისი.

დაამთავრა კერძო სასწავლო დაწესებულება.

ჯარში მსახურობდა 1852 წლიდან; მონაწილეობდა 1853-1856წწ. ყირიმის (აღმოსავლეთის) და 1877-1878წწ. რუსეთ-ოსმალეთის ომებში; 1869-1870წწ. მეთაურობდა ლაიბ-გვარდიის ჰუსართა პოლკის მე-3 სარეზერვო ესკადრონს; 1870-1873წწ. და 1877-1883წწ. იმყოფებოდა კავკასიის არმიის მთავარსარდალთან; 1873-1877წწ. მეთაურობდა დაღესტნის ცხენოსან პოლკს; 1883-1884წწ. მეთაურობდა კავკასიის კავალერიის მე-2 დივიზიის მე-2 ბრიგადას; 1884-1890წწ. მსახურობდა კავალერიიის მე-11 დივიზიის უფროსად; 1870 წლის 17 აპრილს მიენიჭა პოლკოვნიკის სამხედრო წოდება. 1879 წლის 29 მაისს მიენიჭა გენერალ-მაიორის სამხედრო წოდება. მთიელებთან ერთ-ერთი ბრძოლის დროს, მძიმედ დაიჭრა, რის გამოც იმპერატორის სპეციალური ბრძანებით, მას ნება დაერთო მარჯვენა ხელის ტარება სამხედრო ტანსაცმელზე სპეციალური ჩამოსაკიდის გამოყენებით. საბრძოლო დამსახურებისათვის და სამსახურში წარჩინებისათვის დაჯილდოებული იყო ორდენებით მ. შ სპარსეთის "ლომისა და მზის" II ხარისხის ორდენი ვარსკვლავით (1874). გენერალ-მაიორის ნიკოლოზ ტერ-ასათუროვის ძმა. გენერალ-ლეიტენანტი (1886).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.86

• 1884 - წმინდა ანას I ხარისხის ორდენი
• 1879 - წმინდა სტანისლავის I ხარისხის ორდენი (მახვილებით)
• 1874 - სპარსეთის "ლომისა და მზის" II ხარისხის ორდენი (ვარსკვლავით)
• 1873 - წმინდა ვლადიმირის III ხარისხის ორდენი
• 1871 - წმინდა სტანისლავის II ხარისხის ორდენი (იმპერატორის გვირგვინით)
• 1868 - წმინდა სტანისლავის II ხარისხის ორდენი
• 1863 - წმინდა ანას III ხარისხის ორდენი (მახვილებით)
• 1862 - წმინდა სტანისლავის III ხარისხის ორდენი