არზას ტერ-ღუკასოვი

დაბადების ადგილი: ქ. ტფილისი.

დაამთავრა გზათა მიმოსვლის კორპუსის ინჟინერთა ინსტიტუტი 1837 წელს; 1837-1839წწ. დატოვეს ინსტიტუტში, შემდგომი განათლების გასაღრმავლებლად.

დაიბადა მღვდელთმსახურის ოჯახში; 1839-1841წწ. მსახურობდა სანქტ-პეტერბურგის შემოვლითი რკინიგზის 1-ლ დირექციაში; 1841-1852წწ. მსახურობდა კავკასიის მხარის სამხედრო მიმოსვლების დირექციაში; 1852 წელს ჩარიცხულ იქნა ჯარში მაიორად და დაინიშნა აფშერონის 81-ე ქვეითი პოლკის მე-3 ბატალიონის მეთაურად; მონაწილეობდა 1853-1856წწ. ყირიმის (აღმოსავლეთის) ომში; 1859-1865წწ. მეთაურობდა აფშერონის 81-ე ქვეით პოლკს, პოლკოვნიკის წოდებით; მონაწილეობდა აღმოსავლეთ და დასავლეთ კავკასიის დაპყრობაში, აულ ღუნიბის აღებასა და შამილის დატყვევებაში; 1865 წელს მიენიჭა გენერალ-მაიორის სამხედრო წოდება და დაინიშნა მე-19 ქვეითი დივიზიის უფროსის თანაშემწედ; ამავდროულად ის ჩაირიცხა აფშერონის 81-ე ქვეითი პოლკის სიებში, რაც ითვლებოდა ძალზე უმაღლეს და საპატიო ჯილდოთ; 1868 წლის 25 აგვისტოს დაინიშნა თერგის ოლქის შუა განყოფილების უფროსად; იყო გროზნოს მთიელთა დაწყებითი სკოლის ორგანიზატორი და საპატიო მზრუნველი; 1869-1870წწ. მეთაურობდა 38-ე ქვეით დივიზიას; 1870-1876წწ. მეთაურობდა კავკასიის მე-II საარმიო კორპუსს; 1876 წელს დაინიშნა რუსული ჯარების ერივანის რაზმის უფროსად; მონაწილეობდა 1877-1878წწ. რუსეთ-ოსმალეთის ომში; 1877 წლის 18 აპრილს ბრძოლის გარეშე დაიკავა ბაიაზეთის ციხესიმაგრე და გაანთავისუფლა იგი თურქებისაგან; 1878 წელს დაინიშნა კავკასიის გრენადერთა დივიზიის უფროსად და ალექსანდროპოლ-ახალქალაქის მაზრებში განლაგებული ჯარების სარდლად; 1879 წელს მას დაუქვემდებარეს იმიერკასპიის მხარის ჯარები, მაგრამ ამ თანამდებობაზე მან უარი თქვა ავადმყოფობის გამო და დაინიშნა კავკასიის მე-II საარმიო კორპუსის მეთაურად; მთელი თავისი სამსახური გაატარა კავკასიაში. საბრძოლო დამსახურებისათვის და სამსახურში წარჩინებისათვის დაჯილდოებული იყო ორდენებით მ.შ. მეკლენბურგ-შვერინის II ხარისხის ორდენი, პრუსიის ორდენი "დამსახურებისათვის" (1878), მეკლენბურგ-შვერინის "გრიფის" II ხარისხის ორდენი (1878). გენერალ-ლეიტენანტი (1874).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.88-90

• 1879 - წმინდა ანას II ხარისხის ორდენი
• 1878 - წმინდა გიორგის III ხარისხის ორდენი
• 1878 - თეთრი არწივის ორდენი (მახვილებით)
• 1877 - წმინდა ვლადიმირის II ხარისხის ორდენი
• 1874 - წმინდა ანას III ხარისხის ორდენი
• 1870 - წმინდა ანას I ხარისხის ორდენი (მახვილებით)
• 1862 - წმინდა ვლადიმირის III ხარისხის ორდენი (მახვილებით)
• 1860 - წმინდა ვლადიმირის IV ხარისხის ორდენი
• 1859 - ოქროს იარაღი (მამაცობისათვის)
• 1859 - წმინდა გიორგის IV ხარისხის ორდენი
• 1842 - წმინდა სტანისლავის II ხარისხის ორდენი
• წმინდა ანას I ხარისხის ორდენი (იმპერატორის გვირგვინით)
• წმინდა სტანისლავის I ხარისხის ორდენი