თარხან ხოჯამინასოვი

დაბადების ადგილი: ქ. ტფილისი.

დაამთავრა მთავარი საინჟინრო სასწავლებელი 1843 წელს და მთავარი საინჟინრო სასწავლებლის ოფიცერთა კლასები - 1845 წელს.

1845 წელს ჩაირიცხა საინჟინრო კორპუსში, ტფილისში დანიშვნით. დიდხანს მსახურობდა კავკასიაში. იყო ცნობილი სამხედრო ინჟინერი. მონაწილეობდა 1853-1856წწ. ყირიმის (აღმოსავლეთის) ომში. ჯარში მსახურობდა 1839 წლიდან, ხოლო ოფიცრად - 1849 წლიდან. 1857-1865წწ. მსახურობდა კავკასიის ცალკეული კორპუსის მთავარი შტაბის საინჟინრო განყოფილების უფროსად. 1864 წელს მიენიჭა პოლკოვნიკის სამხედრო წოდება. 1875 წელს მიენიჭა გენერალ-მაიორის სამხედრო წოდება. 1865-1875წწ. მსახურობდა კავკასიის სამხედრო ოლქის საინჟინრო უწყების ინსპექტორად. 1882 წელს მიენიჭა გენერალ-ლეიტენატის სამხედრო წოდება. 1875-1897წწ. ირიცხებოდა კავკასიის სამხედრო ოლქის ჯარებთან და იყო მიწერილი საინჟინრო კორპუსთან. 1897 წელს გადადგა სამხედრო სამსახურიდან წლოვანების გამო, მუნდირით და პენსიით. საბრძოლო დამსახურებისათვის და სამსახურში წარჩინებისათვის დაჯილდოებული იყო ორდენებით. ინჟინერ-გენერალი (1897). 

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.101

• 1893 - თეთრი არწივის ორდენი
• 1890 - წმინდა ვლადიმირის II ხარისხის ორდენი
• 1884 - წმინდა ანას I ხარისხის ორდენი
• 1879 - წმინდა სტანისლავის I ხარისხის ორდენი
• 1872 - წმინდა ვლადიმირის III ხარისხის ორდენი
• 1869 - წმინდა ვლადიმირის IV ხარისხის ორდენი (მახვილებით და ბაფთით)
• 1866 - წმინდა ანას II ხარისხის ორდენი (იმპერატორის გვირგვინით)
• 1859 - წმინდა სტანისლავის II ხარისხის ორდენი (იმპერატორის გვირგვინით)
• 1852 - წმინდა ანას III ხარისხის ორდენი