ივანე ვექილოვი

დაბადების ადგილი: სოფელი ცარსკი კლიუჩი (ახლ. დედოფლის წყარო), ტფილისის გუბერნია.

დაამთავრა ტფილისის კადეტთა კორპუსი 1912 წელს; პეტროგრადის საარტილერიო სასწავლებელი 1914 წელს; მოსკოვის უმაღლესი საარტილერიო სასწავლებელი 1925 წელს; ვოროშილოვის სახელობის გენერალური შტაბის სამხედრო აკადემია 1952 წელს. 

მონაწილეობდა 1914-1918წწ. პირველ მსოფლიო ომში, სარიყამიშის ბრძოლაში, კავკასიის სამხედრო მოქმედებათა თეატრზე; 1918 წლიდან მსახურობდა წითელ არმიაში; 1925-1930წწ. იყო სომხეთის სამთო-მსროლელი დივიზიის პოლკის მეთაური; 1939-1940წწ. მონაწილეობდა სსრკ-ფინეთის ომში; 1941-1945წწ. სსრკ დიდ სამამულო ომში; 1941 წელს მსახურობდა სამხრეთის ფრონტის არტილერიის შტაბის უფროსად; 1942 წელს მიენიჭა არტილერიის გენერალ-მაიორის სამხედრო წოდება; მონაწილეობდა ოდესის დაცვაში, სტალინგრადის ბრძოლაში, ბელორუსიის, კორსუნ-შევჩენკოვოს, ვისლა-ოდერის, პომერანიის და ბერლინის ოპერაციებში; აგრეთვე სევასტოპოლის, ბობრუისკის, ლუბლინოს, უნგრეთის რიგი ქალაქების, ზემო სილეზიის ბრძოლებსა და ბერლინის აღებაში; მსახურობდა ფრონტის არტილერიის უფროსის მოადგილედ, წითელი არმიის შტაბის უფროსის მოადგილედ; 1943 წლის ივნისიდან მსახურობდა წითელი არმიის არტილერიის საბრძოლო მომზადების სამმართველოს უფროსად; 1946 წლიდან კითხულობდა ლექციებს გენერალური შტაბის აკადემიაში. საბრძოლო დამსახურებისათვის და სამსახურში წარჩინებისათვის დაჯილდოებული იყო ორდენებით. არტილერიის გენერალ-ლეიტენანტი (1943).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.141-142

• 1946 - ლენინის ორდენი
• 1945 - კუტუზოვის II ხარისხის ორდენი
• 1944 - სუვოროვის II ხარისხის ორდენი
• 1944 - ბოგდან ხმელნიცკის I ხარისხის ორდენი
• 1943 - სამამულო ომის I ხარისხის ორდენი
• 1941 - წითელი ვარსკვლავის ორდენი
• წითელი დროშის ორდენი (1940, 1942, 1943, 1944, 1953)