გიორგი მარტიროსოვი

დაბადების ადგილი: ქ. ტფილისი.

1929-1930წწ. სწავლობდა გაერთიანებული სახელმწიფო პოლიტიკური სამმართველოს მესაზღვრეთა უმაღლეს სკოლაში. 

1922 წლიდან მსახურობდა უშიშროების ორგანოებში: 1922-1923წწ. იყო აზერბაიჯანის საგანგებო კომისიის  განსაკუთრებული განყოფილების კურიერი; 1923-1926წწ. განსაკუთრებული კომისიის მე-2 დივიზიის, განსაკუთრებული განყოფილების საქმის მწარმოებელი (ქ. ბაქო); 1926-1929წწ. სახელმწიფო პოლიტიკური სამმართველოს, მე-3 დივიზიის განსაკუთრებული განყოფილების რწმუნებულის თანაშემწე (ქ. ლენინაკანი); მე-3 კავალერიის დივიზიის, პოლკის განსაკუთრებული განყოფილების რწმუნებული (1929, დაბა მანგლისი, საქართველოს სსრ); 1930-1932წწ. სახელმწიფო პოლიტიკური სამმართველოს მე-3 დივიზიის განსაკუთრებული განყოფილების რწმუნებული (ქ. ლენინაკანი); 1932-1935წწ. ამიერკავკასიის შინსახკომის - გაერთიანებული სახელმწიფო პოლიტიკური სამმართველოს განსაკუთრებული განყოფილების სრულუფლებიანი წარმომადგენლის, უფროსი ოპერ-რწმუნებული; 1935-1937წწ. შინსახკომის ქ. გაგრის სასაზღვრო კომენდანტი; 1937-1939წწ. შინსახკომის გაგრის განყოფილების მე-3 ქვეგანყოფილების უფროსი; 1939 წელს  ამიერკავკასიის რკინიგზის სადგურ ბაქოს შინსახკომის საგზაო-სატრანსპორტო განყოფილების უფროსი; 1939-1940წწ. - ბელორუსის რკინიგზის შინსახკომის საგზაო-სატრანსპორტო განყოფილების უფროსი; 1940-1941წწ. ლატვიის რკინიგზის შინსახკომის საგზაო-სატრანსპორტო განყოფილების უფროსი, სომხეთის სსრ-ში აეროდრომების მშენებლომის რწმუნებული; 1941-1943წწ. სომხეთის სსრ შინაგან საქმეთა სახალხო კომისარი; 1943 წლის 14 თებერვალს მიენიჭა "სახელმწიფო უშიშროების კომისრის" წოდება; 1943-1945წწ.  სომხეთის სსრ სახელმწიფო უშიშროების სახალხო კომისარი; 1945-1947წწ. შინსახკომის შსს სახელმწიფო უშიშროების ოპერატიული სექტორის უფროსი გერმანიაში (საქსონიისა და ჰალლეს პროვინციებში), ამავდროულად, 1947-1951წწ. გორკის ოლქის, სახელმწიფო უშიშროების სამინისტროს სამმართველოს უფროსის მოადგილე; 1951-1952წწ. გორკის ოლქის, სახელმწიფო უშიშროების სამინისტროს სამმართველოს უფროსი; 1952-1953წწ. სომხეთის სსრ სახელმწიფო უშიშროების მინისტრი; 1953-1954წწ. სომხეთის სსრ შინაგან საქმეთა მინისტრი; 1954-1955წწ. არხანგელსკის ოლქის სახელმწიფო უშიშროების კომიტეტის სამმართველოს უფროსი; 1955 წლიდან იმყოფებოდა სსრკ მინისტრთა საბჭოსთან არსებულ, სახელმწიფო უშიშროების კომიტეტის, კადრების სამმართველოს განკარგუკლებაში. დაჯილდოებული იყო ორდენებით და მედლებით. გენერალ-მაიორი (1945).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.161-163

• 1950 - ლენინის ორდენი
• 1944 - წითელი დროშის ორდენი
• 1943 - წითელი დროშის ორდენი
• 1941 - წითელი ვარსკვლავის ორდენი