თამაზ სომხიშვილი

დაბადების ადგილი: ქ. თბილისი.

დაამთავრა ტიუმენის სახელმწიფო უნივერსიტეტი 1994 წელს.

წლების განმავლობაში საქმიანობდა რუსეთში ნავთობის მოპოვებისა და გადამუშავების სფეროში. განახორციელა მნიშვნელოვანი პროექტები ევროპის ქვეყნებში, მათ შორის საქველმოქმედო მიმართულებით, ქართული დიასპორის მხარდასაჭერად. მის სახელთანაა დაკავშირებული ლონდონში მაცხოვრის შობის საკათედრო ტაძრის შეძენა, რომელიც საქართველოს საპატრიარქოს გადაეცა. საქართველოში, სამეწარმეო საქმიანობასთან ერთად, მნიშვნელოვანი წვლილი შეიტანა წმიდა ანდრია პირველწოდებულის სახელობის ქართული უნივერსიტეტის დაარსებაში. მისი დაფინანსებით განხორციელდა არაერთი ინფრასტრუქტურული პროექტი, მათ შორის საქართველოს ეროვნული გმირის - ზურაბ იარაჯულის სახელობის პარკის და მემორიალის მშენებლობა თიანეთის მუნიციპალიტეტში. მის მიერ შექმნილმა განათლების, მეცნიერებისა და ტექნოლოგიების განვითარების ფონდმა "ხვალინდელი წარმატებისათვის" დახმარება გაუწია არაერთ ნიჭიერ ქართველ ახალგაზრდას. სომხიშვილის სპონსორობით განხორციელდა ნიკო ფიროსმანის ნამუშევრების მასშტაბური გამოფენა ქ. ვენის "ალბერტინას" მუზეუმში 2019 წელს, ასევე ქ. არლიში (საფრანგეთი) ვინსენტ ვან გოგის მუზეუმში. ამ გამოფენებისათვის ცნობილი იაპონელი არქიტექტორის ტადაო ანდოს მიერ სპეციალურად მომზადდა "ფიროსმანის მაგიდა".  დახმარებას უწევს ქართული ენციკლოპედიის მთავარ სამეცნიერო რედაქციას. ეკონომიკის მეცნიერებათა კანდიდატი (2002). ქველმოქმედი. 

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• საქართველოს სროლის ფედერაცია, პრეზიდენტი

• ვასილ ტატიშჩევის სახელობის პრემია
• ღირსი სერგი რადონეჟელის ორდენი (მიანიჭა რუსეთის მართლმადიდებელმა ეკლესიამ)