ნუგზარ წერეთელი

დაბადების ადგილი: სოფელი ცხრუკვეთი, ჭიათურის რაიონი.

დაამთავრა თბილისის კომაროვის სახელობის გაძლიერებული მათემატიკური 89-ე საშუალო სკოლა; საქართველოს პოლიტექნიკური ინსტიტუტის მეტალურგიის ფაკულტეტი 1980 წელს; ჩაირიცხა აღნიშნული უნივერსიტეტის ასპირანტურაში.

2 წლის განმავლობაში მუშაობდა თბილისის დიმიტროვის სახელობის 31-ე საავიაციო ქარხანაში რიგით თანამშრომლად; 1975 წელს ქარხნის ხელმძღვანელობამ გაუკეთა ლიმიტი საქართველოს ტექნიკურ უნივერსიტეტთან. 1992-1993წწ. თავის სპეციალობაში ძალიან მნიშვნელოვანი გამოგონებებით და მისი დანერგვით დიდი სარგებელი მოუტანა სახელმწიფოს. 2005 წელს დაინიშნა საქართველოს ტექნიკური უნივერსიტეტის ქიმიური ტექნოლოგიებისა და მეტალურგიის ფაკულტეტის დეკანად; 2007 წელს იყო ამავე უნივერსიტეტის რექტორობის კანდიდატი. მას ეკუთვნის 130-ზე მეტი სამეცნიერო ნაშრომი, არის რამდენიმე წიგნის ავტორი. მისი ხელმძღვანელობით მრავალ ადამიანს აქვს დაცული დისერტაცია. დაიცვა საკანდიდატო დისერტაცია 1986 წელს; სადოქტორო დისერტაცია 2003 წელს. პროფესორი.

წყარო: პროფესორ ნუგზარ იოსების ძე წერეთლის ბიოგრაფიული ცნობები // სახალხო განათლება. -თბილისი,2023.-N6 (4613).-გვ.12; ნუგზარ წერეთელი / ხსოვნა // საქართველოს რესპუბლიკა.-თბილისი,2023.-N95 (9627).-გვ.10

• 2012 - საქართველოს სახელმწიფო პრემია