რაირ სიმონიანი

დაბადების ადგილი: სოფელი კუშჩი, ბორჩალოს მაზრა, ტფილისის გუბერნია.

დაამთავრა მოსკოვის ქვეითთა სასწავლებელი; მ. ფრუნზეს სახელობის სამხედრო აკადემია 1952 წელს. 

1939 წლიდან მსახურობდა მსროლელი ოცეულის მეთაურად (ქ. უმანი, უკრაინის სსრ); 1941-1945წწ. სსრკ დიდი სამამულო ომის დაწყებისთანავე დანიშნეს ბატალიონის შტაბის უფროსად; 1942-1943წწ. მოღვაწეობდა მ. ფრუნზეს სახელობის სამხედრო აკადემიაში; 1943 წელს მონაწილეობდა კურსკის ბრძოლაში; 1944 წელს იყო შტაბის ოფიცერი, მონაწილეობდა ბელორუსიის ფრონტის შეტევითი ოპერაციების განხორციელებაში; 1945 წელს, ვადაზე ადრე მიენიჭა პოდპოლკოვნიკის სამხედრო წოდება, 1950 წელს - პოლკოვნიკის სამხედრო წოდება; 1956 წელს გახდა კ. ვოროშილოვის სახელობის გენერალური შტაბის სამხედრო აკადემიის მსმენელი; აკადემიის დამთავრების შემდეგ მსახურობდა ერთ-ერთი სამხედრო ოლქის შტაბის უფროსის მოადგილედ; 1960-1968წწ. იყო მ. ფრუნზეს სახელობის სამხედრო აკადემიის ერთ-ერთი კათედრის გამგე; მინიჭებული ჰქონდა "სამხედრო მეცნიერებათა დოქტორის" ხარისხი (1968) და პროფესორის წოდება (1970). საბრძოლო დამსახურებისათვის და სამსახურში წარჩინებისათვის დაჯილდოებული იყო ორდენებითა და მედლებით. გენერალ-მაიორი (1970).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.191

• წითელი ვარსკვლავის ორდენი (2 ორდენი)
• სამამულო ომის II ხარისხის ორდენი
• სამამულო ომის I ხარისხის ორდენი
• წითელი დროშის ორდენი (2 ორდენი)