ნათელა ახვლედიანი

დაბადების ადგილი: დაბა ცაგერი. 

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1948 წელს. 

1949 წელს თბილისის მე-8 საშუალო სკოლის ექიმი; 1949-1952წწ. თბილისის სახელმწიფო სამედიცინო ინსტიტუტის ჰოსპიტალური თერაპიის კათედრის ექიმი ორდინატორი (თბილისის პირველი საავადმყოფოს ბაზაზე); 1954-1958წწ. თბილისის სამედიცინო-სანიტარული ნაწილის ექიმი, თერაპევტი; 1958-1961წწ. თბილისის ქალაქის პირველ კლინიკურ საავადმყოფოსთან გაერთიანებული მე-5 პოლიკლინიკის ექიმი-თერაპევტი; 1961-1991წწ. თბილისის ქალაქის პირველ კლინიკურ საავადმყოფოს III თერაპიული განყოფილების ექიმი-ორდინატორი, კარდიოლოგი; 1991-1996წწ. მიოკარდიუმის მწვავე ინფარქტის განყოფილების ექიმი-კარდიოლოგი; 1996-1999წწ. თბილისის ქალაქის პირველი საავადმყოფოს მწვავე ინფარქტის განყოფილების ექიმი; აიმაღლა კვალიფიკაცია თბილისის ექიმთა დახელოვნების სახელმწიფო ინსტიტუტში სხვადასხვა ციკლებზე: თერაპიის ციკლი (1958, 1982 სპეციალობა - თერაპევტი), კარდიო-რევმატოლოგიის ციკლი (1964, 1981 სპეციალობა-კარდიო-რევმატოლოგი), სპეციალიზაციის ციკლი (1970, სპეციალობა-თერაპევტი), კლინიკური ჰემატოლოგიის რჩეული საკითხები (1983), კლინიკური კარდიოლოგიის ციკლი (1986, 1988, სპეციალობა-კლინიკური კარდიოლოგია). მას გავლილი აქვს ატესტაცია და თბილისის ჯანდაცვის სამმართველოსთან არსებული ექიმთა საატესტაციო კომისიამ მას მიანიჭა ექიმ-კარდიოლოგის პირველი საკვალიფიკაციო კატეგორია (1986). მრავალჯერ დააჯილდოვეს მედლებით, სიგელებითა და მადლობებით; იყო საქართველოს მასშტაბით ჩატარებული სამედიცინო-საექსპედიციო სამუშაობების აქტიური მონაწილე; 10 წლის მანძილზე (1948-1958) ჩიყვის შემსწავლელი საექსპედიციო სამუშაოების ჩასატარებლად თითო თვით იმყოფებოდა ექსპედიციის წევრად საქართველოს სხვადასხვა რაიონში: საგარეჯო (1948), თიანეთი (1949), ახალციხე (1951), გუდაუთი (1951), ახმეტა (1952), გალი (1953), გურჯაანი (1954), ცაგერი და ლენტეხი (1955), მახარაძე (1956), გეგეჭკორი (1958) და სხვა. ექიმი - თერაპევტი, პირველი კატეგორიის კარდიოლოგი (1986), დამსახურებული პენსიონერი (1999). 

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.161-164