გევორქ ისახანიანი

დაბადების ადგილი: ქ. თეთრიწყარო.

1977 წელს გაიწვიეს საბჭოთა კავშირის შეიარაღებულ ძალებში; დაამთავრა რიაზანის უმაღლესი სამხედრო-სადესანტო სამეთაურო სასწავლებელი 1981 წელს; მ. ფრუნზეს სახელობის სამხედრო აკადემია 1993 წელს. 

მსახურობდა ამიერკავკასიის სამხედრო ოლქის ნაწილებში. მეთაურობდა საპარაშუტო-სადესანტო ოცეულს, იყო საპარაშუტო-სადესანტო ასეულის მეთაურის მოადგილე და მეთაური. 1987 წლიდან მსახურობდა ავღანეთში, საბჭოთა კავშირის შეზღუდული სამხედრო კონტინგენტის შემადგენლობაში, საპარაშუტო-სადესანტო ბატალიონის შტაბის უფროსად. მონაწილეობდა საბრძოლო მოქმედებებში ავღანეთიდან საბჭოთა ჯარების სრულ გამოყვანამდე (1989 წელი). საბჭოთა კავშირში დაბრუნების შემდეგ, მეთაურობდა საპარაშუტო-სადესანტო ბატალიონს, ბელორუსიის და მოსკოვის სამხედრო ოლქებში. მონაწილეობდა ყოფილ სსრკ ტერიტორიაზე შეიარაღებული კონფლიქტების ლოკალიზაციაში. მსახურობდა საპარაშუტო-სადესანტო პოლკის მეთაურად. იბრძოდა 1994-1996წწ. ჩეჩნეთის პირველი ომის დროს. 1996-1997წწ. მონაწილეობდა ბოსნიასა და ჰერცეგოვინაში, სამშვიდობო ოპერაციაში, საპარაშუტო-სადესანტო ჯარების ბრიგადის შტაბის უფროსად. 1998 წელს დანიშნეს 76-ე გვარდიული საჰაერო-სადესანტო დივიზიის, 234-ე გვარდიული საპარაშუტო-სადესანტო პოლკის მეთაურად (ქ. ფსკოვი). 1999-2000წწ. იბრძოდა ჩეჩნეთსა და დაღესტანში, შემდეგ იბრძოდა ჩეჩნეთის მეორე ომის ბრძოლებში. 2000 წლიდან მსახურობდა ფსკოვის სამხედრო-საჰაერო ჯარების დივიზიის შტაბის უფროსად; 2002 წლის მაისიდან - რუსეთის ფედერაციის სამხედრო-საჰაერო ჯარების საბრძოლო მომზადების უფროსად; 2006 წლიდან - სვერდლოვსკის ოლქის "რუსეთის თავდაცვის სპორტულ-ტექნიკური ორგანიზაციის" (РОСТО) უფროსად. საბრძოლო დამსახურებისათვის დაჯილდოებულია ორდენებითა და მედლებით: ორდენი საბრძოლო თანამეგობრობის განმტკიცებისათვის, ჟუკოვის სახელობის ორდენი, ორდენი "მამაცობისთვის", რუსეთის ფედერაციის გმირი (2000). გენერალ-მაიორი (2004).

წყარო: სომხეთის სამხედრო ელიტა: (სომეხი გენერლები საქართველოდან): ბიოგრაფიული ცნობარი, გოგიტიძე, მამუკა. -თბ., 2014.-გვ.226-227

• საპატიო ნიშნის ორდენი
• წითელი ვარსკვლავის ორდენი (2 ორდენი)