სოლომონ აბამელიქოვი

დაბადების ადგილი: ქ. ტფილისი.

დაამთავრა მოსკოვის მე-2 სამხედრო გიმნაზია 1871 წელს; სწავლობდა ალექსანდრეს მე-3 სამხედრო სასწავლებელში; მიხეილის საარტილერიო სასწავლებელი I თანრიგით 1874 წელს; მოგვიანებით დაამთავრა კურსი ოფიცერთა საარტილერიო სკოლაში.

1874-1876წწ. მსახურობდა მე-13 საარტილერიო ბრიგადაში, მეთაურობდა ასეულს და ბატალიონს; 1877-1878წწ. რუსეთ-თურქეთის ომის დროს მსახურობდა ალექსანდრეს საციხოვნო არტილერიის სამეურნეო ნაწილის გამგის ადიუტანტად; 1892-1894წწ. - ყარსის საციხოვნო არტილერიის მე-3 საარტილერიო ბატარეის მეთაური; 1898-1899წწ. - ბრესტ-ლიტოვსკის საციხოვნო არტილერიის I ბატარეის მეთაური; 1899 წელს მიენიჭა პოლკოვნიკის სამხედრო წოდება; 1901-1902წწ. - დვინსკის საციხოვნო არტილერიის საალყო დივიზიონის მეთაური; 1902-1906წწ. - I საალყო-საარტილერიო პოლკის მეთაური; 1907 წელს მიენიჭა გენერალ-მაიორის სამხედრო წოდება; 1906-1913წწ. - კოვნოს საციხოვნო არტილერიის მეთაური; 1913 წელს გადადგა სამხედრო სამსახურიდან წლოვანებით, მუნდირით და პენსიონით. საბრძოლო დამსახურებისათვის დაჯილდოებული იყო ორდენებით. გენერალ-ლეიტენანტი (1913).

წყარო: სომეხი გენერლები და ადმირალები საქართველოდან/მ.ჯ. გოგიტიძე, გ.ა. ბეჟიტაშვილი, მ.ი. გოგოლაძე [და სხვა]. -თბ., 2024.-გვ.15-16

• 1909 - წმინდა სტანისლავის I ხარისხის ორდენი
• 1904 - წმინდა ვლადიმირის III ხარისხის ორდენი
• 1895 - წმინდა ვლადიმირის IV ხარისხის ორდენი
• 1891 - წმინდა ანას II ხარისხის ორდენი (მახვილებითა და ბაფთით)
• 1886 - წმინდა სტანისლავის II ხარისხის ორდენი
• 1877 - წმინდა ანას III ხარისხის ორდენი (მახვილებითა და ბაფთით)