გიორგი კეთხუდოვი

დაბადების ადგილი: ტფილისის გუბერნიაში.

დაამთავრა პავლოვსკის I სამხედრო სასწავლებელი I თანრიგით 1889 წელს.

სამხედრო სამსახური დაიწყო 1887 წელს ეკატენოსლავის ლაიბ-გრენადერთა I პოლკში. თანმიმდევრულად მიენიჭა პოდპორუჩიკის (1888), გვარდიის პოდპორუჩიკის (1889), პორუჩიკის (1893), შტაბს-კაპიტნის (1899) და კაპიტნის (1901) სამხედრო წოდებები. იყო საპოლკო ადიუტანტი, მეთაურობდა ასეულს და ბატალიონს. 1906 წელს ჩაირიცხა იმპერატორის ამალაში. 1909 წელს მიენიჭა პოლკოვნიკის სამხედრო წოდება. 1911-1915წწ. მსახურობდა ლაიბ-გვარდიის მე-3 მსროლელი პოლკის შტაბ-ოფიცრად. თავის პოლკთან ერთად მონაწილეობდა 1914-1918წწ. პირველ მსოფლიო ომში. 1915-1916წწ. მსახურობდა ჰელსინგფორსის კომენდანტად. დაჯილდოებული იყო ორდენებით: 1896 - ბულგარეთის წმინდა ალექსანდრეს V ხარისხის ორდენი (1896), საფრანგეთის საპატიო ლეგიონის ორდენით - კავალერთა ჯვარი (1897), რუმინეთის ვარსკვლავის IV ხარისხის ორდენით (1898), იტალიის გვირგვინის ოფიცერთა ჯვრის ორდენით (1902). გენერალ-მაიორი (1916).

წყარო: სომეხი გენერლები და ადმირალები საქართველოდან/მ.ჯ. გოგიტიძე, გ.ა. ბეჟიტაშვილი, მ.ი. გოგოლაძე [და სხვა]. -თბ., 2024.-გვ.75-76

• 1915 - წმინდა ანას I ხარისხის ორდენი
• 1915 - წმინდა ვლადიმირის III ხარისხის ორდენი (მახვილებით)
• 1913 - წმინდა ვლადიმირის IV ხარისხის ორდენი (მახვილებით და ბაფთით)
• 1910 - წმინდა ანას II ხარისხის ორდენი
• 1906 - წმინდა სტანისლავის II ხარისხის ორდენი
• 1900 - წმინდა ანას III ხარისხის ორდენი
• 1896 - წმინდა სტანისლავის III ხარისხის ორდენი
• წმინდა ვლადიმირის IV ხარისხის ორდენი (მახვილებით)