გივი გუჯეჯიანი

დაბადების ადგილი: ქ. მესტია.

დამთავრა: საქართველოს სასოფლო-სამეურნეო ინსტიტუტის ტექნოლოგიური ფაკულტეტი ინჟინერ-ტექნოლოგის კვალიფიკაციით 1956 წელს; საქართველოს სოფლის მეურნეობის მეცნიერებათა აკადემიის ასპირანტურა 1963 წელს; თბილისის სახელმწიფო უნივერსიტეტის ქიმიური ფაკულტეტი 1969 წელს.

1956-1958წწ. ხირსის ღვინის ქარხანა, ინჟინერ-ტექნოლოგი; 1963-1969წწ. მებაღეობის, მევენახეობისა და მეღვინეობის სამეცნიერო კვლევითი ინსტიტუტი, მეცნიერ-მუშაკი; 1969-1981წწ. წინანდლის საწარმოო გაერთიანების მთავარი მეღვინე; 1981-1989წწ. მანავის ღვინის კომბინატის დირექტორი; 1989-1991წწ. მარნეულის რაიონის აგროსამრეწველო-სავაჭრო ფირმა "თამარისი", მთავარი მეღვინე; 1991-1992წწ. თბილისის კონიაკის ქარხნა, დირექტორი, დირექტორის მოადგილე; 1996-1997წწ. საქართველოს მებაღეობის, მევენახეობისა და მეღვინეობის სამეცნიერო კვლევით ინსტიტუტი, დირექტორის მოადგილე სამეცნიერო ნაწილში. არჩეული იყო საქართველოს საინჟინრო აკადემიის მსუბუქი და აგროსამრეწველო განყოფილების მრჩევლად. 1973 წელს სამსახურებრივი მივლინებით იმყოფებოდა თურქეთში, იზმირის საერთაშორისო ბაზრობაზე, 1980 წელს ქ. მიუნხენში მოწყობილ საერთაშორისო გამოფენაზე "იკოფა - 80". გამოქვეყნებული ჰქონდა 26 სამეცნიერო შრომა, რამდენიმე მონოგრაფია. იყო სამი გამოგონების ავტორი. მისი ავტორობით და თანაავტორობით შეიქმნა არაერთი ახალი მარკის ღვინო და კონიაკი. მიღებული ჰქონდა მთავრობის ჯილდოები. ტექნიკურ მეცნიერებათა კანდიდატი. 

წყარო: საქართველოს მეღვინეობა-სამტრესტი, მისი ხელმძღვანელები, გარდაცვლილი სპეციალისტები / ალექსანდრე ქურდაძე.-თბ.,1999. - გვ.191-192

• საქართველოს დამსახურებული მეღვინე

• სადესერტო ღვინოები და მათში მიმდინარე ფიზიკურ-ქიმიური გარდაქმნები (ავტორი). - თბილისი, საბჭოთა საქართველო, 1969. - 50გვ.
• ღვინის კუპაჟების გაანგარიშება მათემატიკურ განტოლებათა ამოხსნის საფუძველზე (ავტორი). - თბილისი, საბჭოთა საქართველო, 1969. - 84გვ.
• ღვინის სტაბილიზაციის მეთოდები (ავტორი). - თბილისი, საბჭოთა საქართველო, 1969. - 55გვ.
• იონიტების გამოყენება მეღვინეობაში (ავტორი). - თბილისი, საბჭოთა საქართველო, 1968. - 90გვ.