ნუნუ გურგენიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის 1962 წელს; გ. წერეთლის სახელობის აღმოსავლეთმცოდნეობის ინსტიტუტის ასპირანტურა 1963 წელს. 

1990-2005წწ. ასწავლიდა აზიისა და აფრიკის ინსტიტუტში თურქულ ენას; 2005-2008წწ. თავისუფალ უნივერსიტეტში; 2009-2021წწ. თბილისის სახელმწიფო უნივერსიტეტში კითხულობდა კურსებს: თურქული ენა, თურქული დიალექტოლოგია, თურქული ლექსიკოლოგია; მისი კვლევის სფეროებია: ქართული დიალექტებში ნასესხებ აღმოსავლური წარმომავლობის სიტყვათა ეტიმოლოგიის საკითხები, თურქიზმები ქართულ ონომასტიკაში, არქაიზმები თურქეთის ქართველთა მეტყველებაში, ქართველიზმები ჩრდილო აღმოსავლეთ ანატოლიის თურქულ დიალექტებში. მისი ნაშრომებია: "ქართველიზმები ჩრდილო-აღმოსავლეთ ანატოლიის თურქულ დიალექტებში: (ყარსი, არზრუმი, ჭოროხი, ორდუ, ტრაბზონი, რიზე და მისი  შემოგარენი", 2006), "ქართულ დიალექტებში ნასესხებ თურქიზმთა ეტიმოლოგიისათვის" (2014), "აღმოსავლური წარმოშობის ლექსიკური ელემენტები საქართველოს მთის (მთიულური, გუდამაყრული, თიანური) დიალექტებში" (2015), თურქოლოგი,  გ. წერეთლის სახელობის აღმოსავლეთმცოდნეობის ინსტიტუტის უფროსი მკვლევარი (1968). დაჯილდოებულია საქართველოს განათლების, კულტურისა და სპორტის სამინისტროს საპატიო სიგელით უმაღლესი განათლებისა და მეცნიერო სფეროში ხანგრძლივი და ნაყოფიერი სამეცნიერო-საგანმანათლებლო საქმიანობისათვის (2018). ფილოლოლოგიის მეცნიერებათა კანდიდატი (1967).

წყარო: თბილისის სახელმწიფო უნივერსიტეტი: encyclopedia.tsu.ge

• დიალექტოლოგიური ძიებანი = Ağiz araştirmalari = Dialectological studies : თურქულ-ქართულ დიალექტთა ურთიერთმიმართების საკითხები (ავტორი). - თბილისი, ქართული აკადემირი წიგნი, 2016. - 192გვ.. - ISBN: 9789941946578
• თურქულ-ქართული ლექსიკონი : K-Z (შემდგენელი) // წ.2. - სტამბოლი, 2001. - 1543გვ.
• თურქულ-ქართული ლექსიკონი : A-J (შემდგენელი) // წ.1. - სტამბოლი, 2001. - 752გვ.. - ISBN: 9992890509