დარეჯან დუღაშვილი

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ქიმიის ფაკულტეტი ბაკალავრის ხარისხით 1998 წელს; იგივე უნივერსიტეტი მაგისტრის ხარისხით, სპეციალობით-გარემოს ქიმია 2000 წელს.

1996-2006წწ. ივ. ჯავახიშვილის სახელობის თბილისის სახელმწიფო უნივერსიტეტი, ქიმიის ფაკულტეტი, ანალიზური ქიმიისა და გარემოს ქიმიის კათედრა, მკვლევარი; 2006-2010წწ. საქართველოს სოფლის მეურნეობის სამინისტრო, სურსათის უვნებლობისა და ხარისხის ზედამხედველობის დეპარტამენტი, მთავარი სპეციალისტი; 2013-2019წწ. შპს "გ. ნათაძის სახელობის სანიტარიის, ჰიგიენის და სამედიცინო ეკოლოგიის სამეცნიერო-კვლევითი ინსტიტუტი", საგამოცდო ლაბორატორია, ლაბორატორიის ხელმძღვანელი; 2018 წელს გერმანიის რისკის შეფასების ფედერალური ინსტიტუტი (Bundesinstitut für Risikobewertung (BfR), ექსპოზიცია (დეპარტამენტი), მეცნიერი; 2019 წლიდან სოფლის და სოფლის მეურნეობის პოლიტიკის განვითარების ინსტიტუტი (RAPDI), კონსულტანტი; 2012 წლიდან ივანე ჯავახიშვილის სახელობის თბილისის სახელმწიფო უნუვერსიტეტის რაფიელ აგლაძის არაორგანული ქიმიისა და ელექტროქიმიის ინსტიტუტი, ელეტროქიმიისა და ელექტრომეტალურგიის ლაბორატორია, მეცნიერ-თანამშრომელი; 2022 წლიდან საქართველოს ტექნიკური უნივერსიტეტის ჰიდრომეტეოროლოგიის ინსტიტუტი, ბუნებრივი გარემოს დაჭუჭყიანების მონიტორინგისა და პროგნოზების განყოფილება, უფროსი მეცნიერ-თანამშრომელი; 2023 წლიდან ჩეხეთის განვითარების სააგენტო, თბილისის წარმომადგენლობა, კოორდინატორი. არის 20-მდე სამეცნიერო პუბლიკაციის ავტორი გარემოს ქიმიისა და სურსათის უვნებლობის რისკის შეფასების სფეროებში. ქიმიის აკადემიური დოქტორი.

წყარო: საქართველოს ტექნიკური უნივერსიტეტის ჰიდრომეტეოროლოგიის ინსტიტუტის ვებგვერდი: my.gtu.ge