მაია ცერცვაძე

დაამთავრა საქართველოს პოლიტექნიკური ინსტიტუტი ელექტრონული ტექნიკის ინჟინერის კვალიფიკაციით 1984 წელს; საქართველოს მეცნიერებათა აკადემიის მართვის სისტემების ინსტიტუტის ასპირანტურა გამოთვლითი ტექნიკისა და მართვის სისტემების ელემენტებისა და მოწყობილობების სპეციალობით 1995 წელს.

1986 წლიდან მუშაობს საქართველოს პოლიტექნიკურ ინსტიტუტში (შემდგომში საქართველოს ტექნიკური უნივერსიტეტი): 1986-2007წწ. ტექნიკური ელექტრონიკის კათედრა, ასისტენტი, ასისტენტ-პროფესორი; 2007-2013წწ. ელექტროენერგეტიკის, ელექტრონიკის და ელექტრომექანიკის დეპარტამენტი, ასისტენტ-პროფესორი, ასოცირებული პროფესორი; 2011-2019წწ. სსიპ საქართველოს ტექნიკური უნივერსიტეტის არჩილ ელიაშვილის სახელობის მართვის სისტემების ინსტიტუტი, ინფორმაციის გარდაქმნის პრობლემების განყოფილება, უფროსი მეცნიერ თანამშრომელი; 2013 წლიდან ენერგეტიკისა და ტელეკომუნიკაციის ფაკულტეტი, მოწვეული პროფესორი, ასოცირებული პროფესორი. ადგილობრივი და საერთაშორისო სამეცნიერო სიმპოზიუმის მონაწილე; 44 სამეცნიერო ნაშრომის ავტორი. აკადემიური დოქტორი (2006), პროფესორი (2006).

წყარო: საქართველოს ტექნიკური უნივერსიტეტის ენერგეტიკის ფაკულტეტის ვებგვერდი: my.gtu.ge